影片
更多
2025-02-08
54 瀏覽
見到咁多正評，滿懷期望來到，卻是異常失望地走，完全唔明啲正評係點嚟……。午餐人均消費$500左右。其實只有一個餐，只係如果要多個湯，就加$100。。全場只有2桌客，我地加咗$100要四道菜。。第一道係粥，味道異常普通，似汁多個似粥，最離譜係啲粥根本唔熱，只可以話微暖。佢地話呢個粥煮咗15個小時，咁其實你用微波爐叮多30秒都唔過分啫。。第二道係湯，味道同史雲生清雞湯差唔多，當然亦都係唔熱嘅。。第三道係牛扒，份量有三條，每條大約等於手指大小，咁珍貴，以為會好好食，但佢哋用咗大量黑椒調味，所以味道只有黑椒味，冇肉味，冇層次，配菜係一片紙咁薄嘅雞髀菇。最令人失望係嗰幾條手指大小嘅牛扒仲要有筋，咬唔到，有渣。。第一，正常Fine Dining，侍應係會問你想塊牛扒幾成熟，但完全冇問過。第二，正常Fine Dining，要幾多黑椒係個客決定，上菜後，侍應先根據客人要求幫佢加黑椒，而呢度係預先勁重手調味。如果係咁，去「大家樂」食個扒餐仲開心。。第四道係白飯加韓國前菜，佢哋嘅韓國前菜，不論份量定味道都不敢恭維，只可以講，我寧願去「炑八」食。。最後有杯嘢飲，可以揀超級市場買到嘅紅棗茶、生薑蜜、柚子蜜，然
。
午餐人均消費$500左右。其實只有一個餐，只係如果要多個湯，就加$100。
。
全場只有2桌客，我地加咗$100要四道菜。
。
第一道係粥，味道異常普通，似汁多個似粥，最離譜係啲粥根本唔熱，只可以話微暖。佢地話呢個粥煮咗15個小時，咁其實你用微波爐叮多30秒都唔過分啫。
。
第二道係湯，味道同史雲生清雞湯差唔多，當然亦都係唔熱嘅。
。
第三道係牛扒，份量有三條，每條大約等於手指大小，咁珍貴，以為會好好食，但佢哋用咗大量黑椒調味，所以味道只有黑椒味，冇肉味，冇層次，配菜係一片紙咁薄嘅雞髀菇。最令人失望係嗰幾條手指大小嘅牛扒仲要有筋，咬唔到，有渣。
。
第一，正常Fine Dining，侍應係會問你想塊牛扒幾成熟，但完全冇問過。第二，正常Fine Dining，要幾多黑椒係個客決定，上菜後，侍應先根據客人要求幫佢加黑椒，而呢度係預先勁重手調味。如果係咁，去「大家樂」食個扒餐仲開心。
。
第四道係白飯加韓國前菜，佢哋嘅韓國前菜，不論份量定味道都不敢恭維，只可以講，我寧願去「炑八」食。
。
最後有杯嘢飲，可以揀超級市場買到嘅紅棗茶、生薑蜜、柚子蜜，然後配以韓式小食，兩個人加埋，總共有¾塊餅，多謝晒！
張貼
