影片
更多
2017-05-21
1796 瀏覽
又同朋友一齊四圍覓食，朋友老公推介呢間打邊爐。我原本都冇咩期待，諗住都係打邊爐啫，度度應該都差唔多，點知呢間好大驚喜！廢話少講，入正題。一間任食任食既火鍋店有冇hea你，睇佢哋d肥牛質素就知啦。呢間既肥牛絕對唔係最cheap嗰隻食落成口油，吃多嚿就滯嗰d 。反之，佢d美國雪花肥牛雖然油花不夠多，但幾有牛味。呢間野仲有安格斯牛柳粒，味道都好唔錯，雖然牛柳粒黎講個人喜歡煎多過烚下烚下。其實講肥牛之前，應該先講下佢個雞煲，佢既雞煲都幾出色，d雞好入味，而且肉質結實，唔會好似出面嗰d火鍋店一食落去就知係冰鮮雞，好“鞋”口又唔入味。好啦，品評下d火鍋配料先。金菇、冬菇、水魷、土魷、木耳、鮮蝦、炸枝竹等等全部都正正常常，而且都幾新鮮乾淨。朋友叫咗帶膏嘅鵝腸，話好正，我個人就一般般，不甚好之。真正令人喜出望外既係……田雞！嘩！送上黎嗰陣d田雞腿仲郁下郁下，雖然喺荃灣某間豬骨煲食過類似既田雞，但呢種新鮮程度明顯係即叫即劏，唔係甘易食到！田雞新鮮唔新鮮，味道差天共地，新鮮嘅烚完d肉係白色而略顯通透，肉質鮮甜、結實而富彈性，正！唔新鮮嘅烚完通常微黃，似雞肉既顏色，肉質比較「鞋」。另一樣野就係呢度既手打蝦滑
廢話少講，入正題。一間任食任食既火鍋店有冇hea你，睇佢哋d肥牛質素就知啦。呢間既肥牛絕對唔係最cheap嗰隻食落成口油，吃多嚿就滯嗰d 。反之，佢d美國雪花肥牛雖然油花不夠多，但幾有牛味。呢間野仲有安格斯牛柳粒，味道都好唔錯，雖然牛柳粒黎講個人喜歡煎多過烚下烚下。
其實講肥牛之前，應該先講下佢個雞煲，佢既雞煲都幾出色，d雞好入味，而且肉質結實，唔會好似出面嗰d火鍋店一食落去就知係冰鮮雞，好“鞋”口又唔入味。
好啦，品評下d火鍋配料先。金菇、冬菇、水魷、土魷、木耳、鮮蝦、炸枝竹等等全部都正正常常，而且都幾新鮮乾淨。朋友叫咗帶膏嘅鵝腸，話好正，我個人就一般般，不甚好之。
真正令人喜出望外既係……田雞！嘩！送上黎嗰陣d田雞腿仲郁下郁下，雖然喺荃灣某間豬骨煲食過類似既田雞，但呢種新鮮程度明顯係即叫即劏，唔係甘易食到！田雞新鮮唔新鮮，味道差天共地，新鮮嘅烚完d肉係白色而略顯通透，肉質鮮甜、結實而富彈性，正！唔新鮮嘅烚完通常微黃，似雞肉既顏色，肉質比較「鞋」。
另一樣野就係呢度既手打蝦滑、墨魚滑同墨丸。好多火鍋店都標榜佢哋既招牌係呢d手打丸，但食落去都不外如是。個人其實不好丸類，但呢間既手打丸真係冇得輸！除咗用料充實，一d都不唔吝嗇外，仲要係蝦粒、墨魚粒都大大粒，啖啖肉，口感豐富。不得不講，呢度既手打丸係我食勻港九新界火鍋店之中，排名no.1的！
雖然以上有讚冇彈，但呢間野都有幾樣野可以改善：1.黑柏葉太「鞋」；2. 甘蔗水、夏枯草味道太淡。3. 朋友嫌呢度既鯇魚片太多骨。4. 醬料、蒜蓉、指天椒粒要另外加錢。
雖然有以上問題，但瑕不掩瑜。仲有，呢度俾野好大方好充足，叫幾多黎幾多，唔會似有d火鍋叫碟金菇黎得一箸！最後，講下價錢先，晚餐埋單每人190蚊。
雞煲
51 瀏覽
0 讚好
0 留言
配料
42 瀏覽
0 讚好
0 留言
美國雪花肥牛
37 瀏覽
0 讚好
0 留言
配料
46 瀏覽
0 讚好
0 留言
牛柳粒
53 瀏覽
0 讚好
0 留言
張貼
