影片
更多
2023-03-18
37 瀏覽
遠道元朗一嚐好評如潮嘅私房菜，果然無令我地失望！店面細細，裝潢雖然無平時嘅高級餐廳咁靚咁有氣派，但氛圍温馨毫不拘謹，主廚仲好nice會同大家飲下酒傾下計。餐廳用料上乘，價錢則比一般嘅fine dining平得多，性價比幾高呢！Menu約兩個月轉一次，酒鬼們可以加錢配wine pairing，大胃王仲可以加錢要多兩三個dishes~⚠️一定要先預約！不接受walk-in⚠️只收cash / payme / FPS🍴Tasting Menu (6 courses) $958pp 1️⃣燒北海道帶子 • 昆布汁 • 手指檸檬帶子大大粒幾厚肉，富炙燒香，有昆布汁檸檬汁提鮮，略嫌外層燒得柴左少少。2️⃣帝皇蟹 • 日本墨魚 • 佛手橘一上枱就聞到好香忌廉味！墨魚軟淋微彈，絲絲帝皇蟹肉幾鮮甜，佛手橘帶些微橘皮澀味，但同時增添左一絲清新氣息，忌廉意外地輕盈，唔會太濃太搶，完全唔膩3️⃣酸種麵包 • 焦化洋蔥牛油酸種麵包外脆內軟，麥香濃郁。焦化洋蔥牛油，質地好順滑，洋蔥味好濃！牛油香甜唔辣，就咁食都好正4️⃣燒雅枝竹 • 螢光尤魚 • 烏魚子季節限定！螢光魷魚片到好薄，軟淋唔韌帶彈性。雅支竹脆中帶軟，外層燒得乾身富焦香
⚠️一定要先預約！不接受walk-in
⚠️只收cash / payme / FPS
🍴Tasting Menu (6 courses) $958pp
1️⃣燒北海道帶子 • 昆布汁 • 手指檸檬
帶子大大粒幾厚肉，富炙燒香，有昆布汁檸檬汁提鮮，略嫌外層燒得柴左少少。
2️⃣帝皇蟹 • 日本墨魚 • 佛手橘
一上枱就聞到好香忌廉味！墨魚軟淋微彈，絲絲帝皇蟹肉幾鮮甜，佛手橘帶些微橘皮澀味，但同時增添左一絲清新氣息，忌廉意外地輕盈，唔會太濃太搶，完全唔膩
3️⃣酸種麵包 • 焦化洋蔥牛油
酸種麵包外脆內軟，麥香濃郁。焦化洋蔥牛油，質地好順滑，洋蔥味好濃！牛油香甜唔辣，就咁食都好正
4️⃣燒雅枝竹 • 螢光尤魚 • 烏魚子
季節限定！螢光魷魚片到好薄，軟淋唔韌帶彈性。雅支竹脆中帶軟，外層燒得乾身富焦香，呢個口感都係第一次食，唔錯唔錯！以蠔煮成嘅醬汁相當濃郁，鮮味十足。口感層次幾豐富~
5️⃣龍蝦 • 煙燻薯蓉 • 龍蝦汁
龍蝦鮮甜彈牙，薯蓉綿密富煙燻香，泡沫醬汁好濃龍蝦味之餘，唔會太鹹
6️⃣主菜 (選一)
🥩燒澳洲M4和牛肩膀
和牛軟腍多汁，加上微酸嘅gravy，肉味更濃之餘，食落又無咁膩，略嫌有啲筋位。旁邊黃色嘅醬汁都幾smooth幾清新，不過怕西芹嘅大家就要小心啦
🦆法式鴨胸
好有驚喜嘅一道！外皮煎得好香，脂香十足。厚切鴨胸軟腍多汁，好重肉味，一啲都唔羶。伴碟嘅香梨都唔Hea 喎，口感軟腍不失爽脆，仲有啲薑味同鴨胸幾夾！
— — — — — — — — — — — — — ⠀⠀
✨燒煙燻藍吞拿魚腩 • 紫菜米餅 • 白子慕絲 +$180
燒煙燻藍吞拿魚腩 • 紫菜米餅 • 白子慕絲
5 瀏覽
0 讚好
0 留言
藍吞拿魚腩份量都幾多喎，魚味油香兼備，米餅香脆，加埋白子慕絲，濕潤程度同調味都恰到好處，完全唔會搶過吞拿魚嘅魚味
✨草莓 • 提拉米蘇慕斯蛋糕+$118
蛋糕口感介乎mascarpone cheese同cheesecake之間，中間有帶冰感嘅莓醬，酸甜有果肉，夠凍唔人工~
張貼
