農耕記 湖南土菜 (好運中心)

營業中

休息中

第一次食好運中心呢間農耕記，但真心覺得性價比唔高，上菜速度超慢，同埋服務質素好一般。真係好失望！今日雖然假期，不過好彩都好快有位。但係對上菜速度好失望，仲耐過我等位。我哋一共叫咗四個餸，叫咗鮮炒黃牛肉，乾鍋酸菜肥腸，魚湯白豆腐同條根白炒油渣。菜同魚湯白豆腐嘅上菜速度都算係正常，大概落單後10分鐘內就上咗，但之後碟黃牛肉係兩碟餸都上咗15分鐘後先上。最離譜係碟乾鍋酸菜肥腸，係等到我哋食完三碟餸先上。我哋食完三碟餸見乾鍋酸菜肥腸仲未上，就叫店員去催下，因為我哋其他餸都食曬。店員催完就同我哋講係因為廚房漏單，要我哋等多15分鐘，依家炒緊。我哋就同店員講我哋落單到依家都等咗差唔多半個鐘，而且落單之後仲有店員同我哋confirm過可唔可以改小辣，因為我落單時寫咗免辣但佢哋做唔到免辣，只可以小辣，咁我哋都接受咗話Ok。但點解到頭來居然會漏咗張單呢？店員小姐就同我哋講話佢哋廚房經常性會漏單，好難避免。咁即係代表漏單係你哋餐廳經常性會發生嘅問題，點解你哋唔去改善呢個問題，反而會要求客人去接受你哋嘅問題呢？ 我唔理解囉！最後我哋碟酸菜炒肥腸係距離落單時間差唔多40分鐘先上，真係太誇張！飯亦都係好遲先上。