影片
更多
2023-02-28
275 瀏覽
今日約咗個朋友嚟睇game 佢就乘機敲我下午茶當係專業諮詢費。喺呢度附近揀咗間越南餐廳嘅下午茶。朋友就點咗個越萊小火車頭河粉，我就要咗個越式豬肝醬扎肉法包配網春捲。飲品我哋分別揀咗凍檸樂同埋青檸梳打。朋友個火車頭河粉非常大碗亦都好足料，有生牛肉，牛腩，牛筋，牛丸，扎肉，豬軟骨同豆卜等等。牛腩牛筋豬軟骨煮得夠淋，牛丸出奇地好味，豆卜吸晒湯汁又好味，真係好多料而且個湯底非常之好，清得嚟但係又好香甜，就好似牛清湯咁，食完之後又唔會口渴。呢個價錢真係超值，完全唔止下午茶份量！至於我個法包亦都非常唔錯，個包烘得非常之脆，麵包內夾住嘅食材非常豐富，滿滿豬肝醬再加扎肉，再搭配青瓜，白蘿蔔絲，紅蘿蔔絲，芫荽同少少黑胡椒提升味道同香味，好味道。炸網春捲有兩條作為下午茶少少熱氣嘢就啱啱好，飲埋杯凍檸樂同埋青檸梳打，清爽醒神，好滿足，食飽就有力揀game啦🤣
朋友就點咗個越萊小火車頭河粉，我就要咗個越式豬肝醬扎肉法包配網春捲。飲品我哋分別揀咗凍檸樂同埋青檸梳打。
朋友個火車頭河粉非常大碗亦都好足料，有生牛肉，牛腩，牛筋，牛丸，扎肉，豬軟骨同豆卜等等。牛腩牛筋豬軟骨煮得夠淋，牛丸出奇地好味，豆卜吸晒湯汁又好味，真係好多料而且個湯底非常之好，清得嚟但係又好香甜，就好似牛清湯咁，食完之後又唔會口渴。呢個價錢真係超值，完全唔止下午茶份量！
至於我個法包亦都非常唔錯，個包烘得非常之脆，麵包內夾住嘅食材非常豐富，滿滿豬肝醬再加扎肉，再搭配青瓜，白蘿蔔絲，紅蘿蔔絲，芫荽同少少黑胡椒提升味道同香味，好味道。
炸網春捲有兩條作為下午茶少少熱氣嘢就啱啱好，飲埋杯凍檸樂同埋青檸梳打，清爽醒神，好滿足，食飽就有力揀game啦🤣
張貼
