壹.01

營業中

休息中

呢間台式餐廳一直都有人推介，一直都未去嘗試，咁啱今日有機會去開嗰邊，於是就去咗呢間101台式餐廳試啦。因為係平日，所以會有午市套餐，我揀咗芒果滷肉飯，加錢叫咗個芝士火腿蛋餅再揀咗杯奶茶。芒果滷肉飯份量比較少，不過可以揀多飯，味道中規中矩，滷肉飯還滷肉飯，但係芒果就有一種唔係好夾過飯嘅感覺，就咁食反而會更加好。蛋餅餐牌講到明等15分鐘，我食完滷肉飯蛋餅就嚟啦，蛋餅一上枱就有啲疑惑，因為蛋餅個表皮好似春卷咁，好似炸咗咁，同自己認知煎嘅蛋餅好唔同，一食入口就唔係自己鍾意嘅蛋餅，真係炸到脆嘅表皮，所以食咗少少就冇再食。不過呢間餐廳飲品奶茶都唔錯。