元祖和風食堂虎藏

營業中

休息中

依間店價錢平，平至$50~$60就有拉麵食。當然未食過前，會擔心係同出面某啲非正式拉麵店既拉麵水平一樣，$4X就有嘅拉麵，通常麵質似公仔麵，湯底得個鹹字，冇層次感。為左怕中伏，今次冇選拉麵，而選$70既魚醬油沾麵。首先擺盤有啲特色，係粗麵，魚醬油湯睇落濃度有板有眼，配菜有洋蔥、芝麻、豬肉粒、全隻溏心蛋。拉麵落湯即掛，口感同出面一般既極相似，都食到日式拉麵既感覺，湯底唔會淨係鹹字，濃而少少結結既湯完全有魚介味，證明唔會求其之作。不過飲得多可能會有太鹹之嫌，建議係水吧裝水。的確以$70嚟講，算係幾優質。最後，不得不提係依間溏心蛋超有驚喜，原隻蛋蛋白已滑嫩唔會過熟，恰到好處，蛋黃如圖所示好有光澤，完全流質。相比有時食到過熟唔流出嚟嘅蛋，依間完勝，而且充滿蛋黃鮮味。