元祖和風食堂虎藏

營業中

休息中

放假同巴士迷朋友黎左長沙灣一帶，行下行下見到呢間日本餐廳，就入咗黎試，點知竟然有驚喜。呢度有啲似日式家庭餐廳，入到去會有QR code自助落單。檯上面放咗menu，打開真係不得了，又定食又拉麵餐，真係超多選擇！和風醬油拉麵套餐$53。可以四選一揀一樣小食，包一杯飲品個拉麵好大碗，口味就似一般港式拉麵。小食我就揀咗牛肉薯餅。肉碎咖哩豬扒飯。包一杯飲品巴士迷朋友讚不絕口，佢話：先講奶茶，牛奶同茶配得好好，味道香濃。今次類似珍珠米，豬扒切左，啲汁原出產係印度，但經過日式料喱處理。豬扒又香又脆。成個餐好好食。之後見到越黎越多人入黎食下午茶，有大人有小朋友，埋單後望一望下午茶餐牌，見到又真係好抵！

長沙灣好多抵食嘅餐廳， 呢間亦都係我嘅心水推介食物質素相當穩定， 價錢合理 ，份量亦都很充足， 味道也相當不錯。 但是座位較為擠迫， 要有快食的準備。 這間餐廳適宜作日常之選， 相當不俗

假日每當唔知想食什麼時，附近有間元祖和風食堂就係個不錯嘅選擇，勝在食物款式多，價錢經濟，座位舒適，家人常常光顧首選之地😂午飯～～滑蛋豬扒飯套餐 $58跟小砵及餐飲熟檸茶豬扒厚切，粉薄，有肉汁拉麵 + 小食套餐 $67和風醬油拉麵 (跟雞蛋)日本煎餃子(3隻)餐飲熱檸茶拉麵爽口，餃子香脆

天氣開始轉涼，常常想食熱騰騰嘅麵，於是再次到訪附近的元祖和風食堂，歎番碗拉麵。晚餐～～味噌拉麵 (跟栗米) $53加温泉蛋 $7份量算大，兩塊叉燒，麵上佈滿粟米粒，味道不錯虎藏牛肉飯拉麵定食 $64和風醬油 (跟雞蛋) 牛肉薄切，有肉汁

是日到訪長沙灣區，發現原來有好多美食，眾多美食中最後揀選了日式拉麵店。晚餐～～迷你肉碎咖哩飯+和風醬油拉麺(跟雞蛋) $55凍檸茶豬骨湯拉麵 (跟紫菜，紅薑）$52加温泉蛋 $7特選忌廉蟹肉餅(1件) $18食物質素中規中矩，價錢平宜。

味噌拉麵係日本札幌出名既招牌料理。最講究既係豬骨湯底既拉麵湯底。今日估唔到係元祖和風食堂虎藏，下午茶時間嘆到。個拉麵$53。湯底好重豬骨味。配菜有豚肉。豚肉肉質鮮甜。拉麵彈牙。整體屬高質食材。食得出有日本北海道風味。杯 Ice Lemon Tea 好飲。天口熱，涼透心。

深水埗長沙灣呢頭都多餐廳可以揀, 而且價錢相對之下都係平民化既有時經過呢邊搵lunch食, 今次就揀左呢間食, 其實都不過不失, 返工日子放lunch食呢間都可以接受到既畢竟lunch時間都有限而且呢間食物味道都可以話ok 吸引就比唔上但都算可以點左個照燒雞肉飯 豬骨拉麵定食照燒雞肉飯, 雞肉都算大舊 只係食到D飯比較乾,,, 雞肉照燒味正常, 沒特別吸引.豬骨湯味都有, 正常拉麵唔算林既口感.整體黎講, 如果食一餐速食lunch 係可以接受既, 比上不足比下有餘吧...如果食D講究少少既就唔會揀呢間了

終於明白點解香港人唔再鍾意響香港消費！餐廳一間一間咁執笠！約朋友食晚飯，食完唔夠一個鐘，個侍應拿張單埋嚟，叫我哋埋單 讓張枱出來！叫個定食餐，個餐未齊就比咗碗白飯同個拉麵你食先，個雞扒就後上，等你快啲開始食住先，食完飯杯奶茶未飲完就叫你埋單。所以如果要出街食飯見朋友，千祈唔好揀呢間，班侍應 做野仲差過快餐店！快餐店都唔會 催人！

Dinner @ 元祖和風食堂虎藏 ~西京燒三文魚便當 : 老老實實，西京燒呢家嘢，不容易煮，火喉也不容易掌握，不是一般廚師仔可以拿捏得到，炒散的更加唔好指望他們 .... 其實幾十蚊貨式，就不要去計較正宗與不正宗喇，也不需要太認真，味道上正正常常就算了；西京燒三文魚，吃起上來就不太有西京燒的味道，三文魚亦很乾身，有一種種感覺就是放在扒爐上求其煎熟佢，煮熟佢，穩穩陣陣就妥當，唔好去理乜乜西京燒啦；你會知道自己吃緊什麼，但不好吃 ~本篇完 ~

行開經過見到依間日式餐廳，比個餐廳價錢吸引住所以就入左去食午餐😀。我地兩個人分別叫左兩個拉麵餐，一個係拉麵配特式飯，一個就係拉麵配甜品。拉麵我地分別點左一個豬骨湯同一個味噌湯，飯就叫左南蠻炸雞飯，甜品就係朱古力蛋糕。拉麵黎講就係普通貨色，味道唔算好特別，湯底亦都唔係好濃郁嘅豬骨或者味噌味，同埋唔知點解有一種筍嘅怪味。拉麵本身就不過不失，感覺上係食品工廠貨。反而南蠻炸雞，就比較出色啲，沙律醬同個雞都融合得好好，配埋個飯就一流。而甜品嘅朱古力蛋糕，其實比較似Brownie，唔算好甜同埋有啲果仁，正常發揮。整體嚟講算係一間性價比正常味道還好嘅餐廳，糧尾嘅時候可以嚟試吓。🤣

路過元祖和風食堂虎藏, 見到他們有芝士薯餅外賣，感覺上好像在京都一路走一路食的風味，這種芝士薯餅結合了美味和創意的經典料理。芝士薯餅芝士薯餅外酥內軟的口感，這間 虎藏的芝士薯餅由於外層炸得酥脆，內部則包裹著香濃的芝士和薯泥。這種對比使每一口都令人愉悅。再者芝士的濃郁風味，其中它的一大特色是芝士的濃郁風味，融化的芝士營造出豐富的奶香，與炸薯餅的酥脆形成了完美的組合。這個創意與傳統的結合就是 元祖和風食堂成功之處。把傳統的薯餅經過重新詮釋，添加了芝士這個不同尋常的元素，讓人驚艷，令人回味過去在京都吃過的味道。它非常適合與朋友或家人分享，而且是一路走一路食的美食。再者它的價格合理，絕對物有所值。😎  ⚡️ 好味指數：🌕🌕🌕🌕🌕🧀️  約350-550kcal 卡路里/份

兩個人拍拖幫襯，門口見到甜品都好吸引。入到去我哋要QR code落單，隔籬枱八個人就可以人手或QR code落單。6點18分落單，20分鐘內上哂啲野，杯野都未飲完。6點45分就開始收碟，又要搭枱又要要求顧客搬埋啲。下次要拍拖速食快閃的老襯建議幫襯下。

最近黎到長沙灣既元祖和風食堂，裝潢以日式風格為主，餐牌選擇都唔少，最後點了醬油拉麵加小食套餐，搭配雞蛋和北海道產芝士薯餅醬油拉麵湯頭濃郁，帶有濃厚的醬油風味，令人回味無窮，拉麵本身彈牙有嚼勁，與湯頭十分搭配，麵上既配料包括豬肩肉片，海苔同雞蛋，增加口感，可惜雞蛋唔係糖心蛋有點失望我選擇了北海道產芝士薯餅作為自選小食，呢個選擇絕對冇令我失望，薯餅外層酥脆，內裡鬆軟，芝士融化得恰到好處，如果可以再熱辣辣啲就更好

呢度嘅中午同下午茶都幾抵食，一碗拉麵加小食都係四、五十蚊左右，小食有薯餅、炸雞、餃子，另外再加一杯飲品，都食得飽。壽司，豬骨湯拉麵豬骨湯底OK, 但無想像中咁濃郁，拉麵口感尚可，但份量偏少。壽司就一般般，無乜特別。性價算幾高，無太高要求，純粹醫肚都唔錯。

今日去左呢間鋪頭吃飯，叫左個拉麵吃，點知吃左一半有隻曱甴🪳，我仲要吃左隻腳先發現。個經理就收左個拉麵，冇賠償，個態度仲要好差，每次經過都會怒啤你，唔建議去吃。😡😡😡😡😡😡😡😡😡😡😡😡😡😡😡