影片
更多
2022-04-25
343 瀏覽
難得戲院開番，今日終於有機會入場睇戲喇。散場時已經係晚上七點半，正啱係食飯時候。喺沙田睇戲唔使憂搵唔到地方食飯，怕嘅係人多。雖然係禮拜日晚，神奇嘅係餐廳一啲都唔爆，睇咗幾個餐牌之後，終於決定食呢間Parkview。呢間餐廳已經唔係第一次食，坦白講，我對佢冇乜太深刻印象，反正我都係陪仔女食飯的，咁就由佢哋揸fit啦！我哋三個人要咗三個餐，阿仔要咗個香煎鵝肝燴意大利飯，阿女就話要慢煮鴨胸泡菜意粉，我唔想食pasta，就叫咗一個紐約牛肉漢堡，另外三個餐都加咗個升級組合。因為升咗級，最先上嘅係麵包同埋椰菜花忌廉湯。坦白講個湯真係非常之麻麻，冇味冇道，要自己加啲鹽同胡椒粉至叫做飲得落口。跟住上嘅係鵝肝燴意大利飯，睇落去唔覺得十分好食，阿仔亦都話啲飯有啲淡。接住嚟嘅係鴨胸泡菜意粉，我覺得呢個餐反而有諗頭，竟然會諗到用泡菜去煮意粉，因為仔女對彼此嘅柯打都有興趣，互相交換咗一半嚟食，叫做兩個餐都試過，兩個人都話泡菜意粉好味好多。至於我要嘅紐約牛肉漢堡，味道真係甚為不錯，應該話係比我想像中嘅好。跟餐有薯條，炸得香口，個漢堡包甚為大個，牛肉亦都juicy，食落好滿足。個升級組合除咗餐湯麵包之外，仲跟埋一個
呢間餐廳已經唔係第一次食，坦白講，我對佢冇乜太深刻印象，反正我都係陪仔女食飯的，咁就由佢哋揸fit啦！我哋三個人要咗三個餐，阿仔要咗個香煎鵝肝燴意大利飯，阿女就話要慢煮鴨胸泡菜意粉，我唔想食pasta，就叫咗一個紐約牛肉漢堡，另外三個餐都加咗個升級組合。
因為升咗級，最先上嘅係麵包同埋椰菜花忌廉湯。坦白講個湯真係非常之麻麻，冇味冇道，要自己加啲鹽同胡椒粉至叫做飲得落口。
麵包同椰菜花忌廉湯
24 瀏覽
0 讚好
0 留言
跟住上嘅係鵝肝燴意大利飯，睇落去唔覺得十分好食，阿仔亦都話啲飯有啲淡。接住嚟嘅係鴨胸泡菜意粉，我覺得呢個餐反而有諗頭，竟然會諗到用泡菜去煮意粉，因為仔女對彼此嘅柯打都有興趣，互相交換咗一半嚟食，叫做兩個餐都試過，兩個人都話泡菜意粉好味好多。
香煎鵝肝燴意大利飯
$148
38 瀏覽
0 讚好
0 留言
慢煮鴨胸泡菜意粉
$118
35 瀏覽
0 讚好
0 留言
至於我要嘅紐約牛肉漢堡，味道真係甚為不錯，應該話係比我想像中嘅好。跟餐有薯條，炸得香口，個漢堡包甚為大個，牛肉亦都juicy，食落好滿足。
紐約牛肉漢堡
$138
20 瀏覽
0 讚好
0 留言
個升級組合除咗餐湯麵包之外，仲跟埋一個甜品同餐茶。我哋三個人都要咗三杯凍檸水，甜品係雀巢迷你盒裝vanilla雪糕。阿女話其實個餐廳都叫做高級，可惜尼個雪糕令人覺得cheap哂，如果雪糕用杯上會覺得同餐廳格局比夠一致。
雀巢雪糕和凍檸水
7 瀏覽
0 讚好
0 留言
埋单盛惠616，性價比唔高。咁嘅食物質素同埋咁嘅價錢，其實可以有更多好嘅選擇。
張貼
