うなぎ四代目菊川

營業中

休息中

一直對日本嘅炭烤鰻魚念念不忘，雖然飛唔到過去食，原來百年老店嘅過江龍 「うなぎ四代目菊川」登陸香港，宜家係香港都可以食到日本正宗炭燒鰻魚！預約左午餐時間，已經見到餐廳坐滿人！佢哋用備長炭烤製，可以鎖住鰻魚嘅鮮味，即點即烤，制出新鮮美味的鰻魚！Lunch Menu 都有多款定食選擇，我就揀左「名物一本白燒定食」，清清地試下白燒鰻魚，附有米飯、時令配菜、鰻肝養生湯及腌菜！白燒鰻魚喺無用任何醬汁去燒嘅鰻魚，只係用鹽去除鰻魚嘅腥味，再將其烤至焦脆，可以食得到鰻魚本身嘅味道，燒完嘅白燒鰻魚外面焦脆，魚肉肉質彈牙軟嫩，原汁原味！個人十分喜歡鰻肝養生湯，入面有軟嫩嘅鰻肝，清清地嘅湯有解膩嘅作用！