廿一堂

營業中

休息中

快餐店比我感覺一個字*頹*！不過世事無絕對，比我發現將軍澳呢間廿一堂走中膠檔路線喎！黃色的格局九丈遠到見到佢，裝飾好成功噃！自助形式快餐竟然有一口和牛鐵板燒定食，會唔會太豪華呢！鬼死咁熱整兩杯凍飲降溫先，老婆大人揀咗巨峰椰果梳打特飲，我就揀咗綠茶紅豆冰特飲，綠茶味幾香加埋夠淋嘅紅豆好味啊！板燒定食有前菜、麵豉湯仲有白飯一碗，百鬆D蚊已經好鬼豐富！   和牛粒有成6、7粒仲鬼咁多雪花好靚啫！ 用鐵板燒爐自己燒嚟食太自由喇！鍾意幾熟燒幾熟最啱我呢D茹毛飲血的人客！加D牛油起爐烤香質素唔錯嘅和牛，食落有牛肉味仲又淋又滑正到不得了！仲有些少菜配埋唔使淨係肉騰騰咁肥膩！老婆大人揀咗佢最like嘅廿一蒲燒鰻魚丼，一嚿水有找大大碗又成半條鰻魚好抵食，佢話好食過台灣嗰間浜松屋多多聲喎！攪到佢勁想屋企樓下有一間！