千海水產海鮮火鍋放題

營業中

休息中

「千海水產」嘅海鮮火鍋放題，真係海鮮放題嘅天花板，今次都係揀咗荃灣分店，九龍灣嗰間仲未試過，希望下次可以去睇睇～荃灣呢間店舖好大，一嚟到店員已經好快安排我哋入座，我哋就開始揀湯底，選咗金湯花膠雞鍋，聽聞呢個湯底味道好濃郁，真係唔錯！之後，開始揀火鍋材料，餐廳自助撈海鮮區域會不停補貨無限量任撈任煮，揀海鮮。蜆、蝦、蟹，每樣都有幾款選擇，真係好豐富！例如蝦有基圍蝦、大頭蝦、九節蝦，仲有鮑魚，好新鮮！揀好海鮮之後，就交畀店員，佢會幫你清洗乾淨，方便又衛生。活鮑魚真係好大，口感彈牙，食落去好清甜！大頭蝦顏色靚，肉又厚，食一口就覺得好滿足。至於三點蟹，鮮甜得不得了～我哋仲點咗；鹽燒牛舌、燒乳鴿王、羊肉片、美國牛肩胛片、澳洲M5和牛、火鍋用蠔、鵝肝多士、川味燒鮮蠔、蒲燒鰻魚、燒香草羊鞍等等～仲有好多火鍋配料，例如新鮮蔬菜、各種丸類、田雞、象拔蚌片、雞子、花膠、脆鯇魚片、響鈴、炸魚皮、鵝腸，數到都數唔完，真係想試晒！此外，呢度仲有大量飲品、酒類、啤酒、清酒、多款甜品、多款雪糕，真係應有盡有！下次再想食海鮮，一定要再嚟呢度！