合益泰小食

營業中

休息中

每次黎合益泰當然唔少得食腸粉。聽說佢地既腸粉係用豬油撈，所以特別香滑。同埋好欣賞佢地服的阿姐一眼關七，無論落單，上菜都唔會錯，完全都唔算寫單就可以應付晒所有人，換座率奇高.。呢到通常都係比人食完就即走既小店。每次黎都會必點腸粉，仲有豬皮魚旦。同埋特色燒賣。腸粉大家都知好食就唔駛再介紹，但係佢既魚旦同燒賣確係特別。佢地既魚旦係比較大粒同彈牙，唔似街外店咁淋晒。豬皮就比較淋身入味。另外好食既燒賣，呢到既燒賣係特別大粒，用豬肉做，食落去有肉汁。美味可口。其實佢地食物質素同價錢真係好抵食,但只可惜要快食快走。