金酒屋

營業中

休息中

今日同男朋友慶祝紀念日，佢帶左我黎呢間居酒屋。建議大家要卜定枱，假日6點幾到，無耐都應該好爆場!成個環境好高級，仲有私人包箱!店員態度好親切又友善，因為第一次黎，仲會推介一D熱門菜色。海膽金糖盒 呢道見到好多枱都有叫! 一上枱真係嘩一聲，好似藝術品咁靚。佢叫金糖盒係因為最底係棉花糖。第一次食海膽係配甜既食物配搭，好有趣，個盒仔都可以食架。上面仲有海量既三文魚籽，所有食材一齊咬，集合左鹹甜既味道!海膽三文魚籽栗米脆餅壽司呢個好似平時見到既taco咁，不過入面係日式配搭。脆餅酥脆既口感令壽司食落冇咁單調! 海膽亦都好鮮甜。 金龍珠海膽吞拿魚蓉卷 呢個真係奢華級之選，每件都好足料，醬油漬蛋黃為呢個卷物加左好多分!呢到既串燒係即叫即燒! 厚切牛舌心口感軟淋彈牙，食落仲有種濃郁既油香。松板豬油脂更豐富，咬落肉香濃郁，又唔會韌。