一杯鐵板燒居酒屋

營業中

休息中

又來久別嘅一杯食飯，呢間餐廳真係犀利，喺APM開咗咁多年都成日排長龍，我最唔鍾意排隊，但偏偏為咗佢嘅牛舌完排完一次又一次～呢度嘅串燒的確係幾好味，牛舌係每次必點嘅，每次都能夠保持水準，彈牙又爽口，而且肉汁豐富，加少少鹽嚟燒，已經好能夠帶出佢嘅香濃肉味。另外一樣好鍾意食嘅就係燒鱔，食得出新鮮又彈牙，一啲都唔腥，而且非常肥美，同行朋友都話好介紹！東洋卷嘅係呢度嘅名物，就係用班戟皮將牛油果同鰻魚包住，加上塞到脹卜卜嘅蟹子，材料配搭冇得輸， 而且用班戟皮做外層，感覺更加新穎有創意！唯一不足嘅係會俾人催還枱，試過食第一輪出邊冇人都仲係一定要我哋交枱，俾客人一種唔好嘅感覺。