烏蠅館 (已搬遷) 新店位置

近排天氣回暖，但對我來講都仲係好凍。朋友提議去食烤魚保暖😂！ 我食魚唔叻，好怕有骨！但朋友極力推薦，就決定試一試！去到呢間叫做烏蠅館嘅餐廳，個名好似有少少怪怪地，一入到餐廳就聞到強勁嘅香味， 有小小想流口水！ 侍應先生好落力詳細咁解釋烤魚套餐嘅資料，由於我食魚唔叻，所以想揀啲小骨嘅， 佢提議左食龍躉魚。 338蚊有龍躉魚同埋三個是令素菜，價錢合理！今次第一次試，就決定試個小辣先！ 等咗大約15分鐘就有得開餐， 魚嘅質素非常之高，魚肉好滑，唔會鞋口， 魚骨亦都唔多， 好啱我呢個食魚白痴吃！😂 另外我同朋友就追加左鵪鶉蛋，寬粉，同埋淮山。鵪鶉蛋嘅份量好多，性價比高！寬粉喺食到最尾嘅時候放落去個湯度，吸收晒個湯嘅精華！另外再叫多一杯桂花蜂蜜， 朋友就叫咗烏龍茶， $18嘅價錢，連杯嘢飲都好足料，見到佢杯烏龍茶有大量嘅靚茶葉！ 已經決定嚟緊好快會再食多次， 不過下次一定會食得更辣！🤤