漁釧 (V Walk)

營業中

休息中

海膽酒盜芝士$68 酒盜係一種醃漬物，用鹽或醬料醃漬嘅海鮮。因為鹽嘅長期發酵陳化，食落去會有濃郁嘅風味。平時啲餐廳都見開會同芝士或者豆腐一齊食。不過漁釧再高級啲，有埋海膽！食落去海膽好似奶油咁滑潤，餐廳揀左嘅軟質芝士味道溫和。兩個同酒盜嘅濃郁鹹鮮味有好大嘅衝擊。一齊食嘅話可以食到一啖之中嘅味道多樣性，口感層次好豐富！網燒牛肉野菜沙律$148 牛扒煎得啱啱好，兩面嘅表面都微微焦香，啱啱全熟嘅牛又唔會煙韌。沙律部份有新鮮嘅沙律菜同埋蕃茄仔，食落去清脆同埋微甜。沙律醬方面佢揀咗醋同埋炸蒜頭粒做dressing，微微嘅酸味好開胃。整體成道菜啲味道好融合。鰻魚柳川鍋$102 依碟菜充滿住日式經典嘅風味，食落去係日式菜典型嘅鹹甜味道。半熟蛋加埋高湯仲有鰻魚嘅鮮味，食落去係柔嫩嘅口感。餐廳將呢一味經典菜式昇華，用牛蒡絲取代傳統嘅洋蔥絲。牛蒡絲有一種獨特嘅木質芳香，同鰻魚嘅濃郁形成對比。牛蒡絲煮完之後仍然保留脆脆哋嘅口感，同鰻魚嘅嫩滑產生口感嘅張力。