牛牛日式火鍋放題 (北角匯二期) (已結業)

北角牛牛最近推出紙火鍋放題，見好得意又未試過，就一於去試下。放題食品竟然有點心、日式和牛咖喱、鰻魚、Movenpick雪糕、同超多款飲品！90分鐘放題仲會upgrade到120分鐘！太好了，可以食耐啲。我哋揀咗 $388🌟LV6.日式雪場蟹紙火鍋120分鐘放題🌟膠原豬骨鍋🌟煮熟成蕃茄鍋🌟藥膳麻辣鍋紙火鍋嘅紙可以吸收油脂與雜質，食落比普通火鍋更加清爽冇咁油膩。Level 6 係每人搭配一個蟹拼盤。有好大嚿蟹腳，放落火鍋一陣就食得，大隻蟹腳容易拆肉而且食落啖啖肉。仲有好大個蟹膏、炸蟹肉、同埋蟹肉茶碗蒸。淨係食呢個拼盤都已經好滿足。有多款牛肉選擇，有丹麥產牛小排、黑安格斯牛肉、牛舌片等緊起碼六款肉類 ，海鮮有蝦同貝殼類等多款，連清酒同啤酒都可以任點。真係食到好飽好滿足。餐廳樓底好高，座位寬敞，大格局，坐得舒服。食物質素很好，紙火鍋又有趣，值得下次再encore。