鳳鳴居

營業中

休息中

來到上水不得不介紹呢間黃店，北區人心目中嘅最愛, 亦係我嘅最愛，這間粉麵店以食雞主，究竟呢間粉麵有乜吸引之處，就係藥膳雞湯底喇，講講吓都流口水添麵類：醉香雞湯、姫松茸雞湯、蟲草花雞湯、芫荽雞湯、喇沙雞湯、麻辣雞湯、花膠雞湯、花膠醉香雞湯、清雞湯、蘿蔔清湯腩、蕃茄濃湯雞，粉麵可選擇米線、油麵、米粉、河粉、公仔麵等⋯⋯如果唔鍾意以上嘅，又唔想食雞，可以自選湯麵同湯底，配料就係車仔麵嘅餸，豬紅丶蘿蔔丶豬皮丶芝士腸丶乜丸物丸、雞翼尖、牛腩、豆卜，仲有其他⋯⋯⋯⋯唔食粉麵，其實呢度都有飯或者湯飯嘅選擇，醉香雞湯飯丶花膠醉香雞湯飯、蘿蔔清湯腩飯丶沙薑雞飯、蔥油雞飯、口水雞飯、鰻魚飯㗎⋯⋯醉香雞湯米線 $50湯底好香嘅花雕酒味，仲帶少少甜味，我好鍾意，雞都幾嫩滑㗎，配上米線正呀喇沙雞湯米線$50喇沙湯都一樣咁好味，喇沙唔會好辣，啖啖椰香味配上米線又係好正。自選蕃茄湯底 $50如果有小朋友唔食辣，蕃茄湯底都唔錯㗎，大人小朋友都啱食。生意實在太好了，當日晚上六點左右，都要等10幾分鐘先可以入座，繁忙時間就可能要等耐少少喇。