淥鼎記

營業中

休息中

第一句要强調：一定要食呢度嘅酸菜魚！一定要食呢度嘅酸菜魚！一定要食呢度嘅酸菜魚！我食過呢間嘅酸菜魚好多次，其中一次係堂食，之後無數次外賣次次諗唔到打邊爐用咩湯底，我都會外賣呢間嘅酸菜魚！堅係超級推薦！講吓佢酸菜魚嘅湯底先，佢個湯底係好濃郁好甜好鮮，而且有啲花椒帶出椒麻味，一開蓋已經聞到勁香。重頭戲要講佢嘅魚肉，酸菜魚入邊嘅魚肉好滑好嫩，唔係好似出面嗰啲勁厚身又完全唔入味嘅魚扒。佢呢間嘅魚真係食完一片又一片，停唔到手！同埋佢哋真係用原條魚，個盒入邊仲會見到有魚頭。就咁叫佢嘅酸菜魚，其實都已經好夠食，因為佢會包埋幾款配菜喺入邊，例如有芽菜、萵筍、蓮藕，仲有好彈牙既寬粉 ！值得一提嘅係佢哋外賣嘅包裝好實淨，完全唔驚倒瀉，返到嚟打開仲係見到好精美好吸引嘅酸菜魚。