佰古嗲

營業中

休息中

大圍呢間馬來西亞小店，試咗幾款招牌菜，味道正宗得嚟價錢合理。個人推介龍蝦尾海鮮濃湯蝦麵😋一上枱就聞到濃濃蝦湯香氣，龍蝦尾肉質爽口彈牙，湯底鮮甜濃郁！老闆話真材實料熬製湯底，所以蝦湯味非常濃郁食得出非常鮮味！麵條吸盡精華，仲有魚片、青口等海鮮，料多份量足，食落好滿足！ 另外試咗細滲肉骨茶，味道香濃。有豬手、肉、豬肚、雞腳等等。湯底可以免費續加！串燒方面，雞肉串同豬肉串都燒得恰到好處，沙嗲醬香濃帶花生香。馬拉燒魚肉外皮微焦，魚肉嫩滑，酸酸辣辣好開胃。 玻璃生菜爽脆。甜品叫咗咖央多士，烘得外脆內軟，咖央醬香甜濃郁又有牛油香。