銅鑼灣「莆田」連續10年榮登米芝蓮必比登美食推薦餐廳，呢間分店位於利舞臺廣場七樓，地點方便，空間感充足，裝修以樸實嘅木色主調，燈光柔和舒服。
最近大閘蟹季節，莆田推出咗各款蟹類美食，蟹黃燜豆腐，大大一盆，豆腐同蟹黃羹汁煮融為一體，又香又鮮，啖啖蟹黃同時又充滿豆香味。
蝦苗頭水紫菜系莆田必食菜式之一，賣相勁吸引，充滿海水味嘅紫菜爽口，蝦苗鮮甜，仲夾埋醋味，開胃又爽口。
軟煎大黃魚，即叫即煎，用暖爐呈上，魚皮微脆帶焦香，魚肉鬆軟幼滑，入口即溶。
1
芋香鴨，鴨肉厚肉Juicy，煙韌帶香芋味，咬落唔油。
金湯時蔬用南瓜湯煮菜，湯底自然鮮甜，蔬菜保留晒爽脆口感，健康又有味。
