癡膠雞 (軒尼詩道)

營業中

休息中

陪同事去灣仔電腦廣場買嘢，之後搵餐廳食飯，經過軒尼詩道，見到有間食店門口有多名食客等位，同事話呢間餐廳好好食，提議我去試吓！餐廳叫癡膠雞,裝修簡潔，主打招牌花膠雞湯系列。餐廳用QR code 落單，麵底有多款選擇，可選米線、米粉、上海麵、薯粉。亦有飯類、酸辣粉供應。配飲品重有優惠！招牌花膠雞米粉加腐竹，湯底濃郁鮮甜，飲得出真材實料，花膠爽滑，鮮雞嫩滑，就算係雞胸都唔會鞋口，米粉爽口，加咗腐竹增加滑溜感。落單時可以選擇用明火爐滾住食，但我不想雞肉滾得過火，所以選擇不用爐上。凍檸茶，檸檬香茶味濃，味道啱啱好！貴妃雞濃湯上海麵，貴妃雞分開上，今次係雞髀位，肉質細嫩，湯底濃郁鮮甜，麵條較滑，配搭木耳絲和腐竹，有爽口又有滑溜多重口感，非常好的配搭！沙薑雞飯，餐廳的雞有多種口味，雞本身非常嫩滑，今款加上沙薑醬汁，雞肉入口帶有濃香沙薑味，咸香味道送飯一流，十分惹味！咸檸檬梳打，味道酸酸甜甜好清新。