玉桃軒酒家 (鱷魚恤中心)

營業中

休息中

早排去咗觀塘玉桃軒，想試下佢哋嘅京烤片皮鴨自選組合，配多個小菜都係$388，價錢都算合理。片皮鴨即席片鴨皮，手起刀落，淨係聽都已經知啲鴨皮好脆，話咁快就片好，食落好香脆，鴨肉嫩油脂唔會太多。自己包薄餅，配埋青瓜、京蔥同甜醬，好正，必點推介。野菌雜菜煲啲材料幾足，有菇同雲耳、時菜，煲得夠味，湯底清甜，食落去有啲家常味，夠晒健康。另外單點了翡翠花枝珊瑚蚌上枱見到賣相都幾靚。花枝有咬口，珊瑚蚌爽脆，加埋蝦醬，👍👍👍配埋翠綠嘅蔬菜，味道清新又唔膩。