御名園

營業中

休息中

荃灣千色店嘅呢間御名園，中午時間超多人食，差唔多坐滿晒。酒樓好多海鮮食，有好多遊水海魚龍蝦。游水清蒸老虎斑蒸到恰到好處，足夠1斤份量，有好多薑絲、蔥花鋪在上面，魚肉鮮甜，肉質扎實，將豉油淋面，即刻增加風味。老虎斑亦都好營養，富含高質素嘅蛋白質同維他命，對身體有好處，勁好味！豆豉鯪魚油麥菜豆豉鯪魚醬同油麥菜十分夾，油麥菜翠綠，豆豉味突出，口感層次豐富。蜂蜜柚子脆蝦球賣相不錯，蝦球好大粒，配以甜蜜嘅蜜糖同清新嘅柚子香氣，蝦球外層還沾上了一層脆脆的糖衣，口感十分爽脆。黑豚叉燒皇黑豚肉質嫩滑，黑豚肉表面烤得金黃酥脆，但肉質仍然嫩滑多汁，叉燒醬汁味道醇厚，肉質偏肥，油脂肥美。雪蓮果椰皇燉竹絲雞湯湯汁色澤濃郁，味道鮮美，滋補養生。