蘇哥清湯腩

營業中

休息中

啟德零售館新開，我哋就去咗行街，原來呢度附近都有幾多嘢睇，行到肚餓我哋就揀咗呢間清湯腩食呢度新裝修，環境相當乾淨企理，仲坐得好舒服❤️話明係清湯腩，呢度就梗係有各色嘅牛腩啦，崩沙腩、爽腩、坑腩都有得揀，價錢都係60蚊左右，除此以外，飯都有嘅😋我同朋友就揀咗兩款清湯腩：崩沙腩河同牛三寶河，一上枱就見到好吸引，大大碗，個湯底真係相當清甜，我仲忍唔住飲晒添🥰崩沙腩超級靚，矜貴美食，佢係牛嘅橫膈膜，肥瘦剛剛好，口感軟腍腍又香甜，如果有嘅話，記得叫呀😍牛三寶河有齊牛腩、牛筋同牛肚，份量多， 10分足料，牛筋大份又爽脆，牛腩啖啖肉仲黐住少少肥膏，好好食❤️