Potluck Eatery

餐廳裝修簡約，文青小清風風格，環境舒服闊落，提供唔同套餐，啱晒情侶或一班朋友吹水聚會。我地叫左個手搖秘製醬海鮮籃套餐，包括餐湯（意大利雜菜湯）、煙三文魚意大利黑醋沙律、手搖秘製醬海鮮籃，甜品同飲品。好豐富！意大利雜菜湯配蒜蓉多士好濃郁好足料嘅餐湯，每啖都有顆粒感，蒜蓉包好香蒜蓉味，多士夠脆。煙三文魚意大利黑醋沙律 煙熏三文魚香氣濃郁，搭配新鮮羅馬生菜和意大利黑醋既酸甜，味道平衡清新開胃。手搖秘製醬海鮮籃黎到嘩左聲，大大份好足料，入面有全隻龍蝦，大蝦，八爪魚，青口 同大蜆。下面仲放有粟米同薯仔伴菜。海鮮新鮮，醬汁微辣帶有小小蕃茄香。海鮮沾上惹味醬料完全帶出海鮮既鮮味。龍蝦食落爽彈，超級爆膏。大蜆青口鮮甜。大蝦口感鮮美，彈性十足，八爪魚都好正。伴菜粟米同薯仔吸收晒精華。超好味！最後藍莓芝士餅作為甜品，藍莓既酸甜與芝士既濃郁相得益彰，讓人好滿足。