牛霸王

營業中

休息中

今日嚟到觀塘「牛霸王」食晚餐，果然觀塘真係隱世美食嘅集中地🤫招牌菜「手打和牛漢堡丼飯」，全面升級用日本宮崎和牛，肉質軟嫩多汁，牛味濃郁，配上秘製漢堡汁，鹹甜適中，再加埋爽脆嘅日式泡菜，口感同味道層次豐富，絕對係必試之選！ 「日式厚切叉燒配溫泉蛋飯」亦相當出色，叉燒厚切得嚟脂肪分布比例啱啱好，外層微焦，內裡嫩滑，蘸上燒汁同流心溫泉蛋，撈飯一流，每一啖都充滿滿足感。 「雞皮餃子」好有驚喜，外皮用雞皮代替傳統餃子皮，外皮好薄又炸得香脆，內餡多汁，如果有醬汁蘸就更好，不過都值得一試！