小越廚

營業中

休息中

開心星期五同先生去睇戲，當然要醫咗肚先入場，搵咗荃灣廣場附近嘅呢間泰越小店，貪佢價錢親民選擇又多，我哋揀咗好抵食嘅二人餐。首先送上嘅係生菜包，加入咗好多香料，入口味道豐富，非常有驚喜，喺第二道菜未上嚟之前我哋已經輕鬆解決成碟，一致認為係必食！泰式粉絲扇貝一碟四件，用上類似泰式沙律嘅調味，入口非常清新，扇貝蒸得啱啱好唔會過老，而且大大隻啖啖肉，非常抵食。虎蝦大大隻而且數量唔吝嗇，加入泰式香料去燜粉絲，非常惹味有特色。芒果糯米飯份量唔細，配上幾乎成個芒果，果肉鮮甜，糯米飯椰味香濃。青檸茶茶底夠濃，配上青檸乾好有誠意，推薦；先生嗌嘅龍眼冰好清新，入口甜度亦適中。