小越廚

是晚來到荃灣食小越廚，貪佢二人餐好抵食，份量重磅啱晒大食朋友😆入座後先掃碼落單，內餐牌比實體餐牌更多選擇。朋友話佢好肚餓要食兩係餐😆哈哈，咁叫多啲野食先。⭐醉貓香茅豬扒炒河試下炒河粉先，黎到係……金邊粉混合河粉，幾得意同時有兩樣口感😆豬扒香軟好食，河粉炒得香口，正喎👍🏻⭐越式三寶飯再揀左三寶飯，三寶有香茅豬扒、越式扎肉、河內炸春卷，哈哈又係豬扒，啱呀，朋友至愛多肉🤤份量超大好滿足。⭐青咖哩雞扒配法包青咖哩賣相一般，但入口好香，重香料味啱口味喎，除左三大塊雞扒外，仲有唔少豆角、茄子等。法包用牛油蒜蓉烘過，暖笠笠好香呀，再唔埋個咖哩汁好好味，啲汁仲攞黎撈埋白飯唔好晒😆⭐越式法包朋友話佢想食法包又加左客，賣相靚喎😋入面夾左扎肉同豬頸肉，仲有唔少蔬菜，好味又清爽，食落一啲都唔膩，正。⭐鹹檸梳打 & ⭐青檸梳打跟餐特飲都唔使加錢，好抵飲😆哈哈，雖然大部份野都係朋友食晒，但都飽到上心口，叫咁多野都係二百幾蚊，真係好食又抵食嘅小店！…查看更多

上次食過2人餐又抵食，份量十足，今日同埋屋企人又黎，係食3人餐。泰式香茅豬扒煎蛋飯呢個醬汁唔係預期內既香茅豬扒味，係特別嘅風味，不過有啲咸。越式海鮮春卷包生菜米網外皮炸到香脆，生菜的清新爽脆，搭配各種餡料，層次豐富。冬蔭公豬扒湯河粉呢個湯底有啲辣，唔食得辣唔好叫啊，食得辣嘅就一定要叫，湯底勁濃郁，酸辣開胃，係我今餐最中意～香茅豬扒入晒味，濃郁香料味，香茅嘅獨特香氣，河粉吸飽咗冬蔭公湯底濃郁嘅滋味，好出色。泰式鮮蝦餅蝦肉鮮嫩Q彈，緊實彈牙，再蘸上搭配嘅泰式甜辣醬，酸酸甜甜，瞬間令蝦餅嘅味道昇華咗。青咖喱雞扒飯青辣椒替代了乾紅辣椒，口感酸辣甜清香，是咖喱界小清新。雞肉嫩滑同青咖喱濃郁嘅味道完美結合，每一啖都充滿了東南亞的風情～青咖喱醬汁撈飯食簡直得絕配。泰式火山排骨造型超吸睛，排骨堆成小山狀，似火山一樣，肉質鮮嫩多汁，輕輕一嗦，骨肉分離。靈魂在於獨特嘅青色泰式酸辣醬汁融合左檸檬嘅清新酸再加上魚露鮮味，味道過癮。…查看更多

點咗個二人餐$208，不收加一服務費。💙泰式蠔仔煎蛋一上枱勁大碟，蠔仔都新鮮又大份。加埋勁多香滑嘅蛋。💙青咖喱雞扒飯呢個青咖喱真係好正，味道好正宗，而且唔算辣。雞扒煎到卜卜脆，份量又多，性價比高！🤩💙越式扎肉湯檬粉湯底夠晒濃郁，扎肉份量都幾多。每次都好鍾意呢個。💙飲品：鹹檸檬七喜青檸梳打💙追加小食：泰式鮮蝦餅一份有四大嚿，新鮮即點即炸。💙仲另外點左：泰式酸辣鳳爪夠晒酸，鳳爪又新鮮食落好開胃🤤。順化炭燒豬肉串有點似食緊台灣腸的味道👅，燒到外脆內軟。朋友表示超鍾意食。✏️沒有加一服務費…查看更多

🌋 火山排骨火山排骨上枱外形好吸晴，外形搶眼似活火山，一份有幾舊咬肉肉質鮮嫩多汁，啜一啜即刻骨肉分離，醬汁夾雜左泰式酸辣咸甜鮮係入面，味覺交錯，感覺就似食到檸檬既香再加魚露既香阿！辣得夠晒過癮。最啱就係就係同朋友仔一齊分享啦。🍗 雙拼燒雞扒豬頸肉撈檬豬頸肉燒得夠香仲有少少脆邊，雞扒用左香茅醃製，咬落唔會好乾，埋秘製酸辣汁撈檬粉，酸酸甜甜幾開胃。 🥖 越式法包
法包輕輕烘到脆身，餡料分別有牛油、肝醬、肉鬆、越式扎肉、醃蘿蔔絲、青瓜及芫荽。配料夠多食落層次豐富，的確回味無窮。🥬 海鮮春卷包生菜
米網春卷炸到外皮卜卜脆，包住生菜一齊食，生菜既清新爽脆大大減低左春卷嘅油膩感。🐾 越食小食拼盤 $98拼盤有：春卷、香辣魚餅、酸辣鳳爪（每款三件），魚餅微辣帶香茅，鳳爪酸甜超開胃！🧋 泰式奶茶：奶茶味道夠濃郁香甜，飲落口感醇厚🍋 青檸梳打：酸甜爽口，消暑一流…查看更多

今次同朋友喺荃灣發現咗一間極具風格嘅小越廚，裝潢走懷舊港式風，有年代感之餘又好有特色，影相打卡一流。點咗三款人氣推介：🥬泰式香葉肉碎生菜包：香料炒得好香，肉碎帶少少辣但唔會太刺激，配新鮮生菜食落清新開胃。🍜雙拼燒雞扒豬頸肉撈檬：燒雞外皮酥脆肉嫩，豬頸肉有咬口但唔韌，配酸甜醬撈檬，真係夠醒胃。🍛青咖喱雞扒飯：青咖喱香濃唔嗆喉，雞扒煎得香口，配埋白飯啱啱好。價錢親民，份量足夠，氣氛又好，CP值極高。推介比鐘意泰越風味同懷舊裝修嘅朋友～…查看更多