小越廚

營業中

休息中

上次食過2人餐又抵食，份量十足，今日同埋屋企人又黎，係食3人餐。泰式香茅豬扒煎蛋飯呢個醬汁唔係預期內既香茅豬扒味，係特別嘅風味，不過有啲咸。越式海鮮春卷包生菜米網外皮炸到香脆，生菜的清新爽脆，搭配各種餡料，層次豐富。冬蔭公豬扒湯河粉呢個湯底有啲辣，唔食得辣唔好叫啊，食得辣嘅就一定要叫，湯底勁濃郁，酸辣開胃，係我今餐最中意～香茅豬扒入晒味，濃郁香料味，香茅嘅獨特香氣，河粉吸飽咗冬蔭公湯底濃郁嘅滋味，好出色。泰式鮮蝦餅蝦肉鮮嫩Q彈，緊實彈牙，再蘸上搭配嘅泰式甜辣醬，酸酸甜甜，瞬間令蝦餅嘅味道昇華咗。青咖喱雞扒飯青辣椒替代了乾紅辣椒，口感酸辣甜清香，是咖喱界小清新。雞肉嫩滑同青咖喱濃郁嘅味道完美結合，每一啖都充滿了東南亞的風情～青咖喱醬汁撈飯食簡直得絕配。泰式火山排骨造型超吸睛，排骨堆成小山狀，似火山一樣，肉質鮮嫩多汁，輕輕一嗦，骨肉分離。靈魂在於獨特嘅青色泰式酸辣醬汁融合左檸檬嘅清新酸再加上魚露鮮味，味道過癮。

我約好友去位於荃灣享和街49號都城大廈地下D號舖的<小越廚>食越式晚餐，環境舒適，裝修富越南風情！我哋點咗：二人晚市套餐 $208🥢泰式蠔仔煎蛋：賣相吸引，大大隻蠔仔好肥美，蠔肉鮮甜好味，配美味煎蛋，好味又好食。🥢越式火車頭河粉：材料豐富，生牛肉鮮甜好味，河粉好爽口。🥢泰式豬手飯：份量不少，豬手軟腍入味，送飯一流。🥢泰式鮮蝦餅 $48（ 追加）：蝦餅香脆可口，蝦肉鮮嫩彈牙。🥢青檸梳打兩杯：清爽好飲，天熱最啱。

小越廚 (荃灣)地址：荃灣享和街49號都城大廈地下D號舖推介： 原塊燒豬頸肉炭燒香味夠，肉質爽口唔韌，肥瘦適中，咬落有肉汁。醬汁偏甜，送飯一流。泰式燒雞扒雞皮燒得脆，肉都算嫩，好夠泰式風味，醬汁都多！泰式豬手飯豬手炆得夠淋，入味，皮同筋位有咬口但唔韌。飯量足，撈汁ok總結：兩樣都唔差，豬頸肉出色啲，夠哂惹味。

吃到好吃的東西開心吃到好吃又便宜的東西就更開心近來很火的享和街的越南小菜館晚飯時間經常座無虛席！看看餐牌，菜單最貴的竟然不過$62！豐富一點加一個小食特飲也才一百多真是的...這不是吃連鎖米線的價位嗎？怪不得這麼多人！店子少座位不多的而且小店只有一位大廚和一位服務員對這樣的小店要有耐性和體諒餐廳不會有豪華的裝潢也說不上十分衛生亮麗基本的還是可以的，牆上掛有一些經典電影海報竟然是我最愛的醉拳和師兄撞鬼！那時真是個美好的年代...我們二人點了二人晚餐$208不加一服務費包前菜一個個主食兩份，特飲兩杯（凍飲同價）雖然說是前菜...這個份量是怎麼回事～生菜包！滿滿一盤！我覺得這裡的食物好像滿少油的炒肉碎通常比較油膩，但這裡沒有呢炒得很乾，九層塔等香草不能少生菜的量和肉碎剛剛好啦主菜點了打拋飯跟生菜包不一樣的味道多了微甜的醬油香味而且多了一隻煎蛋的蛋汁，更是惹味肉碎同樣是炒得很乾身不油膩唯一美中不足的是白飯煮太過了生熟牛肉檬粉這個價錢有這個份量的牛肉實在沒投訴在熱湯中燙至剛熟的牛肉份外嫩滑牛骨湯香濃不過鹹或甜甚是難得喝過半碗湯不覺得口渴其實已經很飽了卻又追加了小食(套餐價才$38)越式煎雞扒，表

🌟🍴 【 荃灣•小越廚 】 🍴🌟 📍 小越廚 (荃灣)荃灣享和街49號都城大廈地下D號舖🍖🥟🍟🥚🍰🍲🍇 • 🥪🍓🍤🍪🍜🍡🍹 泰式蠔仔煎蛋 🦪🥚蠔仔鮮甜肥美，煎蛋外脆內嫩，香氣撲鼻！配上微微辣味的醬汁，超級開胃，每一口都充滿海洋的鮮味！😍雞扒撈檬 🍗🍋雞扒烤得外皮香脆，內裡juicy，撈檬醬酸辣平衡，超爽口！香茅和辣椒的風味完美融合，吃完唇齒留香！🔥泰式香葉肉碎煎蛋飯 x🍖🥚🍚肉碎炒得香辣入味，香葉的獨特香氣讓人停不了口！煎蛋軟嫩，與米飯完美搭配，簡單卻超級下飯！😋凍泰式奶茶 🥤☕奶茶濃郁順滑，甜度剛好，冰涼解渴！泰式風味濃厚，喝一口瞬間有置身泰國街頭的感覺！🌴凍泰式檸茶 🍋❄️檸檬酸爽清新，帶點泰式甜香，超級消暑！冰涼口感與辣菜超搭，完美平衡味蕾！😎泰式燒豬頸肉 🐖🔥豬頸肉燒得外焦內嫩，肉汁滿溢，配上泰式酸辣醬，層次豐富！每一口都充滿炭燒香氣，超級滿足！😍青咖哩雞扒配蒜蓉包 🍗🌿🥖青咖哩濃郁香辣，椰奶香氣濃厚，雞扒嫩滑多汁！蒜蓉包酥脆，沾上咖哩醬簡直絕配，美味到舔盤！🤤總評：這頓泰式套餐簡直是味蕾的狂歡！從蠔仔煎蛋的鮮美到青咖哩的濃郁，每道菜都充滿正宗泰國風味！飲品清涼解辣，燒豬頸

今日來到荃灣食小越廚，係享和街，座位唔多，但都好有人氣，餐廳有晚市套餐/2人餐/3人餐可供選擇🥰✨生牛肉湯河 $56湯底濃郁香醇，夠熱，牛肉份量多，味道鮮甜，生牛肉片在熱湯中迅速燙熟，保持了牛肉鮮嫩口感🤤✨特濃冬陰功海鮮湯河粉 $78冬陰功酸辣味平衡，有椰香味，有好多海鮮例如蝦、青口、八爪魚等等，河粉吸收 了湯汁的精華，滑溜又入味😜✨越式蒜香牛油雞翼 （6隻）$64炸得熱辣辣又香脆，入面肉質仲好juicy😋✨泰式酸辣鳳爪 跟餐+$35呢個天氣好適合食酸酸辣辣既鳳爪，分量好多好開胃🤤

每次喺荃灣收工，想食東南亞菜，我都會去小越廚，因為$200已經包兩個主食套餐、一款特色小食，加兩杯飲品，性價比超高，喺香港呢個時勢真係好難得。豬頸肉撈檬分量足，豬頸肉多而有咬口。生牛肉湯檬粉湯底濃郁，牛肉同牛腩都好嫩滑，檬粉掛湯，好香甜。泰式炸蠔餅用料足，蠔仔多到每啖都食到，蛋漿炸得鬆軟香滑，外脆內嫩，惹味又開胃。泰式豬頸肉外脆內嫩，配特製醬汁更滋味。飲品點咗泰式青檸梳打同檸檬茶，清新解膩。環境舒適，服務細心，非常滿足。支持小店，絕對會再訪！

朋友仔收8點，好彩比我地搵到呢間小越廚，啲套餐仲抵食夾大份，有泰式又有越式，想食咩都得！好，坐低睇下有咩好食先。泰式生蝦刺身，晶凝通透，夠新鮮，食落爽口帶少少黏。叫套餐可以選A一款B兩款，啱晒超級肚餓既我地。青咖喱雞扒配蒜蓉包，青咖哩濃稠又惹味，茄子炸過好香口，索埋咖喱汁好好食。蒜蓉包超多蒜蓉好香脆。生牛肉湯檬粉，生牛肉好嫩，個湯底有牛味，唔錯！醉貓香茅豬扒炒河，炒河都幾有鑊氣，愉快豬扒大大件好抵食！飲品叫咗泰式檸茶、泰式奶茶

之前成日經過呢間越式餐廳，不過一直都未試過，成日都見到好多人喺門口等緊，今日喺門口睇吓Menu，原來真係好抵食，一於嚟試吓啦。我哋叫咗個三人餐，可以揀一個主食，三個飯，仲有三杯飲品，真係非常抵食呀。主食方面，我哋揀咗泰式火山排骨，一上枱真係同泰國夜市食嘅一樣，排骨好多，搭成一座山咁，非常適合打卡。然後佢嘅湯底酸酸辣辣咁，但係唔會太辣，啱晒唔係太食得辣嘅朋友。我就揀咗無骨豬手飯，又係好有泰式風味，豬手份量好多，而且全部都冇骨，食落唔會太肥，肥瘦適中，而且佢嘅汁好適合送飯。朋友就揀咗呢個青咖喱雞扒飯，估唔到佢嘅青咖喱雞扒同飯係分開，所以我都試咗佢一舊雞扒，雞扒皮比較脆，肉質嫩滑，亦都係唔係太辣，大人小朋友都食得。另外，呢個無骨鳳爪都好抵讚，酸酸辣辣之餘，份量都好多，食落好開胃，好適合夏天食啊。我嘅呢杯泰式奶茶好有泰式風味，但係冇泰國嗰啲咁甜，飲落好解暑。呢間餐廳除咗價錢好平之外，味道同份量都好出色，唔怪得知都咁多人排隊啦。

荃灣一間隱藏版嘅泰越式小廚，真係唔可以錯過！小越廚位於享和街。二人套餐 $208呢個套餐真係超值！包括主菜、主食同飲品，每樣都好吸引！主菜揀了泰式火山排骨排骨肉質嫩滑，外脆內軟，淋上特製泰式醬汁，味道香辣夠味，食起嚟令人一口接一口！主食可揀兩份，揀了泰式豬手飯，飯粒鬆軟，豬手肉質軟腍，配上獨特的醬汁，簡直係完美搭配，令人食過返尋味。仲有生牛肉湯檬粉，湯底清甜，牛肉新鮮，檬粉滑口，整體口感非常之好，熱熱食正好！飲品有兩杯鹹檸檬梳打和青檸梳打飲品清新，解膩又好飲，特別適合炎熱的天氣！追加小食泰式鮮蝦餅 $48外脆內嫩，蝦肉鮮甜，沾上酸甜醬汁更添風味，吃一口就停唔到！泰式青木瓜酸辣鳳爪沙律 $38清新又有層次，酸辣味十足，啤啤味道好開胃，係必試小食之一！

荃灣隱世小店，仲有2人餐同3人餐，整體食物高質得黎都好抵食👍🏻！青咖哩雞扒 配蒜蓉包青咖喱味道濃郁，雞扒份量好多，肉質厚身，食落啖啖肉，仲有茄子同豆角，索滿咖喱好惹味，蒜蓉包蒜蓉香濃，焗得都夠脆身主食就叫左2款湯檬粉火車頭湯檬粉&越式扎肉湯檬粉，湯頭都清香，扎肉都好食越式春卷春卷外皮好酥脆，一層層脆香，入面餡料都好飽滿另外加左泰式蠔仔煎蛋蠔仔份量好多，好大方😆，蠔味鮮香，粒粒都好juicy，煎蛋係比較厚身軟腍果種，幾好食😋包2杯飲品，叫左鹹檸檬零系可樂&青檸七喜

小越廚真係好抵食，二人餐$208咋，份量勁大味道又好，唯一問題就係出餐有啲慢，見住師傅密密手做無停過😂哈哈，加油呀！⭐泰式蠔仔煎蛋A項揀左蠔仔蛋，蛋嫩滑蠔仔肥美，再點埋個酸辣醬正喎。⭐青咖哩雞扒飯B項其一揀左青咖哩飯，咖哩好有椰奶香，雞扒大大塊，仲有一大碟飯，跟本食唔晒。⭐冬蔭功豬扒湯河其二就揀左冬蔭功湯河，湯頭酸酸辣辣好開胃，豬扒有香茅香又煎得香脆，正！⭐泰式燒豬頸肉事前唔知份量咁大仲加左碟豬頸肉，啖啖肉好食，再點下個秘製醬汁更有層次😋⭐芒果芋香絲網春卷仲點左份芒果春卷做甜品，炸得香脆唔油膩，入面有甜甜糯糯的芋頭蓉，好食😋⭐咸檸檬可樂 & ⭐青檸梳打跟餐飲品唔使額外加錢，咸檸青檸都正，夠冰凍爽呀！食唔哂打包走，見有幾枱都食唔哂，哈哈，二人餐係for兩個相當大食嘅人㗎😆

荃灣廣場附近真係好多美食。喺享和街呢間小越廚開咗好耐，小店形式經營，融入咗泰國同越南地道嘅菜式。裝修好嘅東南亞風情， 星期五晚爆滿，今日一於去試試！午餐價錢好親民，只需40-50蚊。 而晚餐份量好大，可以喺香港食到咁正宗嘅東南亞菜，真係好難得！😍1）🐓泰式海南雞飯 - 雞肉肉嫩多汁，啖啖肉。 雞皮爽彈，配上秘製嘅泰式醬汁，酸酸甜甜，好開胃。 加上薑黃雞油飯嘅淡淡香味，好正！1）🐷泰式火山排骨 - 好大份，排骨炆煮嘅時間啱啱好，唔會好淋或好硬，肉質飽滿 。排骨吸收咗靈魂酸辣醬汁，夾雜住肉同骨膠原一梳梳咁食，簡直係享受😋2）🦐曼谷街頭大蝦炆粉絲煲 - 上枱時香氣十足，好有鑊氣。蝦大大隻，蝦肉爽彈，粉絲索曬蝦嘅精華同咸鮮嘅醬汁，非常惹味！🤩

近期國際新聞嘅焦點，都離不開國與國嘅緊張局勢，我哋當然希望世界和平啦，但依家喺我眼前就有一場激烈嘅爭霸戰！嚟到荃灣嘅小越廚，餐廳除咗越南菜之外，仲有泰國菜選擇，食住泰式生蝦仲可以嘆碗越南Pho，滿足晒兩個慾望之餘，味道方面仲要有驚喜喎！泰式蠔仔煎蛋蠔仔份量多又大粒，而煎蛋邊略為焦脆，香味十足，值得推薦。泰式生蝦刺身生蝦非常厚肉，而且彈牙爽口，加上酸辣的泰式青汁，非常醒胃。泰式燒豬頸肉輕輕烤過嘅豬頸肉迫出豐富嘅油脂，外層微脆嘅口感，而肉質唔會乾實，再沾上小越廚附上嘅泰式辣醬同百搭嘅青醬，酸辣滋味同時兼備。生牛肉湯河湯底用上牛骨熬製，每一啖湯都係精華，牛香味濃郁。半生熟嘅牛肉肉質鮮嫩，加上吸湯力特強嘅河粉，簡直係絕配！越式三寶撈檬越式三寶分別係越南炸春卷、扎肉、香茅豬扒。越南炸春卷炸到外皮卜卜脆，而且用料十足，口感豐富；香茅豬扒非常入味juicy，加上撈檬嘅微酸醬汁，非常開胃。

我地今次揀左$198既二人餐，大份又抵食🥰呢個餐A揀1款，B揀兩款，有兩杯飲品，唔夠食可以係C餐加$38追加各小食。多人啲可以揀三人餐，$248就有4樣野食會仲抵食！我地A揀左泰式蠔仔煎蛋，一上枱已經覺得勁大份，份量多，真係好足料！啲蠔仔仲要係肥美飽滿，食落鮮嫩🤤蠔餅鬆脆！B揀左豬手飯同火車頭河粉，個鹵水豬手入哂味，香味濃郁，肉質腍口，充滿蛋白質的一餐且不肥。火車頭河粉湯底好濃郁，有點似肉骨茶既味道，幾特別。河粉口感夠滑，牛肉嫩滑，厚薄啱啱好，肉質嫩腍，入面仲有扎肉，扎肉好特別，有豬軟骨粒粒，好有口感，兩款都好好食啊😋C追加左小食生蝦加$38咋，平時外面一碟生蝦都要90幾蚊！呢個好fresh，所以真係呢到好抵！好fresh，配埋個海鮮蘸醬，酸酸微微好過癮🤤飲品我揀左咸檸檬梳打，解暑又下火👍🏻