金子半之助 (奧海城二期)

營業中

休息中

平時好少食天婦羅既我，今日去到奧海城經過見到一間「金子半之助」睇到門外的餐牌有好多天婦羅的相片及簡介都好吸引，就入去試下👍這間餐廳在日本都有分店，以獨門秘傳製作，採用優質食材炮製。迷你天丼&稻庭烏冬主要食菜有蝦、海苔、半熟玉子菇菌、溫泉蛋同豌豆等非常豐富，選用日本製天婦羅小麥粉及日本新鮮雞蛋，入口口感鬆脆無比，熱辣辣嘅稻庭烏冬，職員會捧上一盒有五款配料，可以按照個人喜好加入，增加口感😋牡蠣車海老天丼這個是期間限定，裏面多了一款日本廣島直送蠔，炸得香口，入口好似牛奶般幼滑，蠔味香濃。蝦的肉質爽口，煙煙韌韌的米飯🍚沾上醬汁，鹹鹹地甜甜地，食得好滋味。最後飲埋杯健康養生黑豆茶，超滿足！