影片
更多
2023-11-12
5276 瀏覽
一年一度又係食大閘蟹嘅時候，星期二晚上7:30餐廳已經坐滿人，証明大家都把握機會食大閘蟹😊呢個套餐算係好抵食，適合我哋呢啲咁鍾意食蟹🦀️嘅人，份量足，最重要食到不同蟹嘅菜式，大快朵頤😋套餐由Chill E.A.T. 推出，8道菜，$980pp，當中包括一杯酒🍸，已包茶芥，不需再加一，抵👍🏻餐前小食：子薑皮蛋凍豆腐酸甜味先嚟誘發你嘅味蕾😋蟹粉金菇脆卷．至尊蜜汁叉燒脆卷真係好正，外皮脆卜卜，入面餡料係齋菇之類，多到滿溢，個人覺得非常欣賞，半肥瘦叉燒當然冇得輸😂蟹粉小籠包普通左啲，蟹粉味道唔夠濃，同埋上枱時已經凍左啲，不過個醋好掂，好有提鮮效果黑醋珍珠蟹粉蟹肉燕窩羹非常濃郁，好足料，食完已經飽晒😅玫瑰虎蝦球用龍蝦汁做芡汁，大虎蝦肉質鮮甜，讚👍🏻隻碟非常靚，好有水墨畫feel，蝦頭都食得架😋能泉生姜利口酒（日本西部高知縣士佐市）生姜清酒配大閘蟹，真係非常適合，可以達到驅寒嘅效果😉而杯酒又真係幾好味，最重要只有7%酒精，女士都飲得👍🏻清蒸大閘蟹千呼萬喚始出來，與上一道菜相隔45分鐘，係成晚最敗筆之處，不過上到嚟隻蟹好熱，5両蟹，唔大唔細，超多膏，鮮味😋蟹粉扒時令有機菜苗好多嘅蟹肉配菠菜生炒臘味糯米
呢個套餐算係好抵食，適合我哋呢啲咁鍾意食蟹🦀️嘅人，份量足，最重要食到不同蟹嘅菜式，大快朵頤😋
套餐由Chill E.A.T. 推出，8道菜，$980pp，當中包括一杯酒🍸，已包茶芥，不需再加一，抵👍🏻
餐前小食：子薑皮蛋凍豆腐
酸甜味先嚟誘發你嘅味蕾😋
蟹粉金菇脆卷．至尊蜜汁叉燒
脆卷真係好正，外皮脆卜卜，入面餡料係齋菇之類，多到滿溢，個人覺得非常欣賞，半肥瘦叉燒當然冇得輸😂
蟹粉小籠包
普通左啲，蟹粉味道唔夠濃，同埋上枱時已經凍左啲，不過個醋好掂，好有提鮮效果
黑醋珍珠蟹粉蟹肉燕窩羹
非常濃郁，好足料，食完已經飽晒😅
玫瑰虎蝦球
用龍蝦汁做芡汁，大虎蝦肉質鮮甜，讚👍🏻
隻碟非常靚，好有水墨畫feel，蝦頭都食得架😋
能泉生姜利口酒（日本西部高知縣士佐市）
生姜清酒配大閘蟹，真係非常適合，可以達到驅寒嘅效果😉而杯酒又真係幾好味，最重要只有7%酒精，女士都飲得👍🏻
清蒸大閘蟹
千呼萬喚始出來，與上一道菜相隔45分鐘，係成晚最敗筆之處，不過上到嚟隻蟹好熱，5両蟹，唔大唔細，超多膏，鮮味😋
蟹粉扒時令有機菜苗
好多嘅蟹肉配菠菜
生炒臘味糯米飯
味道都係中規中矩嘅
桂花薑茶紫薯水晶湯丸
個薑湯底就好正，不過湯圓就有啲厚皮靭咗啲
張貼
