棋子燒鵝 (金馬倫道)

營業中

休息中

去咗尖沙咀買日用品，接近傍晚時間 又係時候食晚飯~揀咗呢一間棋子燒鵝，店舖裝修光大明亮，櫥窗放了唔同種類嘅燒味～望一望餐單，有散叫有套餐 兩個人 唔想諗就簡簡單單叫過套餐 $248 已經有燒鵝例牌、燒味一款、郊外油菜、主食同埋老火湯 可謂相當豐富🥰燒鵝果然係必叫，今次例牌仲俾咗燒鵝腿，勁大隻！非常juicy, 油香滿瀉，肉質又夠鮮嫩😍燒味揀咗燒腩仔，燒得非常香脆 肥瘦相間 配上芥辣 減低油膩感主食就叫咗兩碗瀨粉 ～清清地 配上惹味既燒味非常正～老火例湯係 花生眉豆煲腳雞湯🥣非常足料 飲落去好舒服～總括嚟講係非常抵食嘅二人餐！我見到呢度下午茶兩點至六點都非常抵食，下次可以試吓🥰💯