棋子燒鵝 (金馬倫道)

今日係尖沙咀行完街，見好耐無食燒鵝，就跟朋友一齊去左金馬倫道搵燒鵝食。叫咗個兩人套餐，包棋子燒鵝及一樣燒味（叉燒/燒腩仔/切雞/豉油雞/燻蹄/紅腸），仲包埋油菜、瀨粉、老火例湯及飲品，超級抵食。燒鵝瀨粉今次專程過嚟試呢間出名嘅燒鵝瀨，一上枱就知冇嚟錯！燒鵝髀油光閃閃，皮脆得像薯片一樣，咬落「咔嚓」聲，肥膏甘香唔膩口。鵝髀一上枱就知係極品！皮脆到咔嚓聲，咬落油香爆出嚟，肉質嫩滑得嚟仲有肉汁。蘸少少酸梅醬，酸甜同鵝油香夾到絕！大大隻啖啖肉，食完仲齒頰留香。鵝肉嫩滑多汁，蘸少少秘製酸梅醬，酸甜醒胃，仲帶出肉香。瀨粉嗦盡湯底精華，湯頭清甜唔油膩，仲有韭黃同爽口銀芽增添口感。例牌跟碗熱辣辣例湯，足料老火煲，無咩味精，飲完成身暖笠笠！油菜新鮮夠大碟招牌叉燒叉燒真係無得彈！一上枱蜜汁閃令令，燶邊得嚟帶焦香。咬落軟淋淋仲有肉汁爆出嚟，半肥瘦啱啱好，唔會太膩。個蜜糖甜味同豬肉香夾到絕，仲有少少炭燒香氣。碟頭夠大份，兩個人share都夠食。…查看更多

今日於尖沙咀行完街，去了食燒鵝。下午茶時間，下午茶餐份外抵食。燒鵝瀨粉：燒鵝皮色棗紅油亮，咬下去「咔嚓」一聲，脆皮下的油脂甘香豐腴，鵝肉軟嫩多汁，醃料的味道絲絲入扣。配滑溜的瀨粉，每一口都帶著燒鵝的餘韻。蘸上少許酸梅醬，更解膩開胃。燒味雙拼湯河：豉油雞皮爽肉滑，浸煮得恰到好處，雞肉嫩滑帶有豉油香；燒腩仔五花三層分明，豬皮香脆如餅乾，肥肉部分甘化，瘦肉鹹香入味，口感層次極佳。薑蔥油的辛香撲鼻，為豉油雞提鮮昇華；而黃芥末其辛辣和微甜，中和油膩感。菠蘿油：熱辣辣的菠蘿包頂上的酥皮金黃脆甜，如菠蘿紋路般裂開，麵包體鬆軟綿密。夾入中間有厚切的冰鎮牛油。牛油在麵包的餘溫下慢慢融化，滲入每個氣孔，鹹香的奶油與甜脆的酥皮，形成冷熱交織、甜鹹並重的口感。奶油多士：方包烘烤至外層微脆、內裡保持鬆軟，塗上一層牛油，烘至金黃色，再加上煉奶，牛油的豐腴香滑與煉奶的香甜綿密，甜中帶鹹，油潤而不膩。…查看更多

棋子燒鵝（尖沙咀分店）乾淨明亮，座位寬敞，氣氛熱鬧又有活力。店內裝修較簡潔，整體安全和用餐舒適度尚可。堂食空間大，座椅整齊，適合約朋友家人聚餐。呢碗係棋子燒鵝嘅招牌燒鵝河粉，湯底係用鵝骨熬成嘅乳白色清湯，味道鮮甜又夠香；燒鵝皮脆肉嫩，配有爽口青菜同蔥花，配搭得好平衡，份量都唔錯，整體賣相吸引同埋味道到位，好典型嘅香港地道美食！🍜 …查看更多

今晚吃燒味飯又食常餐，真係幾豐富。一人套餐雙拼燒味~燒鵝&燒腩仔、菜心、瀬粉和菜蜜。燒鵝皮脆亮麗，肉質鮮嫩香馥，咬落滿滿的肉汁和油香。燒腩仔~皮脆肉嫩，五花腩的肥瘦肉層次分明，口感豐富。菜心~健康的水灼菜心，清甜。瀬粉~軟滑爽口。全日常餐~棋子叉燒意粉、香滑炒蛋、牛油厚多士和檸蜜。半肥叉燒是最具誘惑性，蜜味叉燒入口肉香四溢，百吃不厭。鹽焗手撕雞半隻~啖啖肉的手撕雞吃得方便，肉味鮮美，而且麻油和芝麻伴隨，更添食欲。 菠蘿油~$15堂食價很抵食，暖和和的麵包，酥脆鬆化的菠蘿皮，夾著冰凍甘香鮮牛油吃，盡是人間美味！人均消費$100，飽嚐港式美味，下次再來。…查看更多

今晚去咗尖沙咀，突然間想食燒味，幫襯咗一間門面不錯燒味店。店內地方寬敞，而且卡位多，感覺乾淨。叫咗一份2人餐整個套餐已經包括燒鵝（例牌）加單拼燒味（例牌）再配上湯、油菜、瀨粉/白飯、湯和野飲樣樣齊全，食到飽飽，大滿足。燒鵝唔算好肥啖啖肉，充滿鵝的油香，皮脆肉嫩，肉質細緻。我見到仲有真空包裝可以拎返屋企食添。單拼揀咗叉燒叉燒半肥瘦，軟滑得來有質感。有少許燶邊，而且經過蜜糖的焦糖化，特別惹味。總括嚟講，成個套餐性價比高，燒鵝和叉燒都相當唔錯，會再encore。…查看更多

好耐冇食燒味，有啲掛住棋子燒鵝。二人套餐性價比最高，懸念毫無懸念就揀咗。棋子燒鵝鵝肉外皮金黃酥脆，肉質鮮嫩可口，最鍾意啜果啲天然嘅鵝油，不論餸飯抑或粉面都好一流。脆皮燒腩仔燒腩仔外層非常酥脆，咬下去時發出清脆的聲音，十分美味。郊外油菜菜芯鮮嫩爽脆，配搭蠔油好味。另外點了河粉和瀨粉，在麵上淋上燒鵝汁，超正！老火靚湯老火湯係花生眉豆雞腳，熱辣辣，好滿足。呢餐每人百零蚊，份量充足又好味，值得一試。另外覺得啲店員都好熱情同埋好細心講解，所以都加咗分。…查看更多

这家老字号「棋子烧鹅」真的充满地道港味✨来吃的全是操着粤语的街坊，烟火气直接拉满～重点是好吃不贵，下午茶餐才40元起就能吃到明星推荐烧鹅，真是时光倒流价！吃完只想说：这才是烧腊该有的样子！🔥🔥【必点招牌清单】▪烧鹅俾一定要点鹅俾！比我手掌还大的分量太实在了！外皮烤得像琥珀一样金黄，又薄又脆，轻轻一碰就酥到掉渣～咬下去瞬间爆汁！鹅肉嫩到弹牙，带着淡淡的烟熏香，连骨头都入味了！…查看更多

行過尖沙咀，總係俾林林總總嘅餐廳搞到花多眼亂。今次，呢次直搗棋子燒鵝嘅龍門陣，試下呢間由燒鵝世家「棋哥」嘅第二代主理嘅分店，睇下佢係咪能夠傳承老豆嘅功力，甚至青出於藍。餐廳位於加拿分道，門面光鮮，掛住一排油光閃閃、色澤誘人嘅燒鵝，未食已經令人食指大動。 平日夜晚嚟，人流唔算太多，座位都算闊落。--- 🍗 原隻燒鵝髀飯：啖啖肉嘅霸氣一上枱，呢個原隻燒鵝髀飯嘅氣勢已經贏咗！隻鵝髀份量十足，燒得皮光肉滑，焦糖色嘅外皮泛住誘人嘅光澤。我先夾起一塊皮，入口「卜」一聲，清脆俐落，完全唔會死韌。呢種脆度，唔係一般燒臘檔做到嘅「厚皮脆」，而係薄脆如紙，充滿鵝油甘香。 鵝肉方面，肉質嫩滑多汁，一咬落去，豐腴嘅肉汁喺口腔爆發，鵝味濃郁。佢哋標榜用五斤四両重嘅母鵝，果然肉質夠嫩滑，油香十足。 唯一要彈嘅係，髀肉雖然啖啖都係肉，但靠近骨嘅位置味道稍為淡咗少少，要點多啲枱上任加嘅酸梅醬先夠喉。 不過整體嚟講，呢個價錢食到咁大隻又高品質嘅燒鵝髀，絕對係物有所值。🍚 棋子燒鵝片飯：刀功與味道嘅結合如果話燒鵝髀係豪邁嘅享受，咁鵝片飯就係考師傅刀功同心思嘅精緻之作。呢碟飯嘅燒鵝片，肥瘦均勻，皮、肉、脂肪層次分明。師傅將鵝片鋪滿喺飯面，淋上秘製燒味汁，賣相相當吸引。鵝片嘅皮同樣香脆，肉質保持到嫩滑，而且因為切得比較薄，所以更加入味。每一啖飯配上一片燒鵝，再加少少油蔥，嗰種鹹香、油香同飯香嘅結合，真係港式燒味飯嘅靈魂所在。 相比起鵝髀，鵝片飯嘅份量雖然無咁震撼，但勝在啖啖都係精華，食落更方便優雅，啱晒想淺嚐又怕油膩嘅朋友。🍞 煉奶多士：估唔到嘅茶記黑馬食完油膩嘢，本來對呢個煉奶多士無乜期望，純粹係想食返啲甜嘢平衡下。點知一上枱，烘得金黃香脆嘅厚多士，上面淋滿「Z」字形嘅煉奶，賣相已經好治癒。多士外脆內軟，牛油味香濃，配上甜絲絲嘅煉奶，簡單直接但就係最好味。 雖然唔係咩驚天動地嘅味道，但喺一間燒味專門店，可以食到咁有水準嘅茶餐廳小食，算係一個意外驚喜，為呢餐飯加返唔少分。…查看更多

香港飲食業之沒落，很大程度源於租金人工之類，但食物無法滿足顧客也是主要因素，雖說是下午茶但也至於用餵白鴿分量待客！白飯一大碗，手撕雞用豉油碟份量盛載，什麼意思？！下午茶吃白飯？如果成本問題可以調高價錢，不是要人食完要另外再補多餐！浪費時間！！食完幾片少得可憐雞肉，剩下一半白飯，是要迫顧客浪費食物！環境衛生不佳，人手不足枱都冇人抹，咁樣經營想唔沒落都幾難！…查看更多

棋子燒味喺香港有好多間分店，這間位於尖沙咀金馬倫道店是我常常來光顧，令人期待的荔枝柴煙燻燒鵝果然沒有辜負我們的期望。這次我們選擇了二人套餐，抵食又豐富二人套餐包括：棋子燒鵝 例牌 單拼燒味 例牌（選1款）郊外油菜白飯/ 瀨粉/米粉/ 河粉老火靚湯 或 冷熱飲品棋子燒鵝外皮金黃酥脆，肉質鮮嫩多汁，煙燻的香氣混合著荔枝柴的獨特風味，讓人一口接一口。每片鵝肉都帶有微微的甜味，正是荔枝柴的魅力所在。搭配上特製的醬汁，更是增添了風味的層次感。叉燒叉燒的炭燒焦香味，肉質柔嫩，汁液豐富，甜而不膩，令人驚喜。瀨粉 + 飲品我們選擇的瀨粉，滑順的口感讓人愉悅，吸附了湯汁的味道整體而言，尖沙咀金馬倫道的這家燒味店讓我們享受到了一頓出色的荔枝柴煙燻燒鵝的盛宴。燒味的獨特風味、不論是味道還是服務，均令人滿意，值得一試！…查看更多

早前買到演唱會飛，見放工未夠鐘開場就搵間餐廳食個快飯🍽️。行下行下見到間燒味幾吸引入去坐低咗😍。呢間出名燒鵝無理由唔叫，叉燒瀨必須要有，整多份雙拼就岩岩好👍棋子燒鵝🦢坊間燒鵝大多都係自家醃料醃完之後入爐燒，但呢間除咗醃料味重有煙熏味🔥。個煙熏味唔係好濃會搶晒啲味，而係同個醃料味好夾，食落去香味濃郁，肉質夠林，吞左之後個香味繼續停留係口入邊😋，不愧係呢間餐廳既皇牌🏆棋子叉燒🍖叉燒半肥瘦，有小小焦黑邊食落去幾香口，唔係硬有小小林身易咬，老人家或小朋友都岩食👶🧓脆皮燒腩仔🥓皮脆肉嫩，絕對稱得上脆皮燒腩仔，味道唔咸配埋個黃芥末醬味道更上一層🌟，肉質林林地但唔係梅😋桶子豉油雞🍗豉油雞無血水血色食落夠嫩，浸既時間夠，岩岩好熟晒唔韌又入味，唔會過咸👌…查看更多

今天去的餐廳位於尖沙咀，是一間主打燒鵝，而且充滿港式風味的餐廳。由燒味到小食都充滿茶餐廳情懷，湯品足料，小食邪惡又美味，值得一試。燒鵝瀨粉🍗燒鵝皮脆肉嫩，油脂甘香，瀨粉吸收了清甜湯底，搭配香蔥提香，經典配搭無可挑剔。  叉燒燻蹄河粉🍖叉燒蜜香軟嫩，燻蹄爽口不膩，河粉滑溜，飽足感十足。配蠔油油菜，味道更平衡。眉豆花生豬骨雞腳湯🍲老火湯濃郁綿滑，眉豆花生煲至粉糯，豬骨香醇，雞腳膠質滿滿，十分足料，滋補又暖胃。  煉奶多士🍞多士外脆內軟，煉奶甜而不膩，是簡單卻邪惡的茶記經典。菠蘿油🍍熱烘烘的菠蘿包夾冰凍牛油，外皮酥脆，內裡鹹甜交融，冰火口感超滿足。…查看更多

今日黎左尖沙咀附近買野，路過一間燒味鋪門面光猛#棋子燒鵝 ，而且掛左好多燒味好吸晴，而且好近K11，落番地鐵站好方便，二話不說入內大吃一餐!!我哋點左二人套餐  棋子燒鵝(例牌)，單拼燒味選 1款，郊外油菜，有瀨粉同米粉，仲送兩杯野飲好豐富，仲要唔收加一服務費，真心好扺食。棋子燒鵝例牌都幾大碟，外皮鬆脆，肉質嫩滑，適量的肥膏讓每一口都滲出陣陣濃郁的鵝香味，沾少少酸梅醬仲惹味。切雞雞肉好嫩，真係好嫩一啲都唔鞋唔鞋，都唔會太肥，整體食落好滿意，一定會encore 唔中伏嘅燒味店。油菜份量都唔少，足夠兩個人分享🥰叫咗米粉同瀨粉各一碗，上湯味道唔錯，入口順滑。燒鵝最正都係配瀨粉😛凍檸茶…查看更多

踏入黃金周嘅週末，#尖沙咀 一帶異常熱鬧，#小秘書 當然唔執輸，出嚟沾吓啲旺氣之餘，順便帶個朋友仔嚟「棋子燒鵝」試吓佢哋馳名嘅 #燒鵝 同 #港式風味 😎肥嘟嘟嘅燒鵝，一隻一隻咁排滿喺餐廳櫥窗，見到已經口水流🤤 #小秘書 坐低第一件事，梗係先整隻 #燒鵝髀 滿足吓味蕾！即叫即斬出嚟嘅鵝髀皮脆肉嫩，咬落去啖啖肉，仲有陣陣嘅炭香風味，不枉係佢哋嘅招牌菜😎 配埋杯 #鹹檸七 同 #凍啡 認真一流🤤另外我哋叫咗個 #常餐，仲特別要求師傅嚟個 #出前一丁 配 #肥叉，#叉燒 肉質肥瘦均勻，搽上蜜汁甜甜地，加上微微嘅燶邊好有咬口！冇諗過用嚟配常餐嘅叉燒，竟然都有呢個質數🤤 跟餐個 #炒滑蛋 份量十足，食埋件 #厚多士，再K.O.埋隻鵝髀，真係飽到上心口🤤餐廳整體服務、同食物質素都唔錯❤️ 今時今日仲保持到港式風味，同有質素嘅 #燒味店 真係買少見少，所以大家都要繼續多啲支持小店，好等美食傳承下去！📍 #棋子燒鵝 (尖沙咀)金馬倫道34-36A號福僑大廈地舖…查看更多

💡抵食燒味今日去行街，見到呢個1人套餐好抵食，價錢唔貴之餘，燒味仲係高質。🔥雙拼燒味（燒鵝+燒肉）🦆燒鵝皮脆肉嫩，鵝油香濃，蘸酸梅醬超開胃！ 🐷 燒肉層次分明，脆皮「咔嗞」響，入口甘香鬆化，肥瘦均勻，鹹香惹味。🥬 郊外油菜（菜心）菜心嫩綠無渣，淋上蠔油，清爽解膩，平衡燒味的油香。 🍋凍檸茶茶底濃郁不澀，檸檬新鮮無苦味，甜度可自由調校，配燒味一流！ 🐔鹽焗手撕雞 雞肉嫩滑不柴，鹽焗香氣十足，帶微微沙薑味，再係上面淋上芝麻，好香口。 …查看更多