南瀛水產

位於尖沙咀居酒屋，距離地鐵站只係兩分鐘路程。平日經常客滿，所以記得預約啊。除左刺身、壽司等，呢度嘅水產的確很不錯。✨蟹味噌甲羅燒必試系列。以蟹蓋盛載住蟹膏、蟹肉、蟹籽、生鵪鶉蛋同蔥花。將材料拌勻，充滿香濃既蟹味同蛋香。味道較濃，喜歡嘅可以加到釜飯一齊食。✨活鮑魚/帆立貝都係由店員協助燒，火喉做得好好。活鮑魚同帆立貝都好新鮮，輕輕調味已經夠。尤其喜歡前者嘅彈牙口感。✨清酒煮蜆每隻都漲卜卜，無沙。以清酒烹煮，味道好清新，帶微微酒香。✨ 松葉蟹海膽釜飯飯面舖滿松葉蟹肉、海膽同蝦米。店員拎到黎，大約要煮多20分鐘先食得。為左保持材料原本既鮮味，本身既調味自好少。可以按自己喜好加少少海鹽。而我就選擇左用甲羅燒黎拌飯，鮮味十足。飯仲帶有微微焦香。✨銀雪魚西京燒銀雪魚肉質非常嫩滑，魚肉好甘甜，外層帶有脆身同焦香。蘸上沙律醬更美味。✨香蒜牛舌牛舌好厚身好爽口，牛味香濃！加埋蒜粒更加香口。加少少檸檬汁可以減膩。✨柳川滑蛋鰻魚滑蛋蛋香配合鰻魚香，互不相搶。