OPPA Coffee Bar Restaurant

營業中

休息中

又到咗二人撐枱腳既日子，今日黎到金巴利街，都好少嚟呢頭，原來呢度係一條韓國街，周圍都係韓國食肆，而且度度都排隊呀！完全睇唔到經濟好差！我哋黎得早唔算等好耐，一心要食呢個溶岩炒飯，都有幾個味揀，最後要了海鮮蛋漿溶岩炒飯（$168）。店員在我哋面前加上蛋漿和芝士，然後用火槍燒溶熟芝士，都幾大火呀！好刺激！芝士溶咗之後店員快速將所有配料撈均，然後就食得啦！有芝士嘅關係，口感好sticky，另外仲有八爪魚和紫菜碎等等，帶點兒辣，好好味。另外當然唔少得叫炸雞，左挑右選，最後我們兩個芝士控還是選了芝士炸雞（ $238 ），份量都多，皮脆內嫩加上芝士醬，吃過不停！我哋仲驚唔夠飽，叫多個韓式牛肉烏冬（ $96 ），之後證明其實唔要都得嘅。烏冬和牛肉分開上，烏冬仲包括年糕、魚片、紫菜、生雞蛋等配料，麵質彈牙，整體還可以。