Maison Beirut

黎巴嫩菜聽落好似好伏，其實唔試永遠都唔知伏唔伏。將南海邊有一間，行下海邊會見到餐廳特色既馬賽克燈，充滿異國風情，同時又望住將軍澳海濱，如果揸車嚟既朋友仲可免費泊車。開飯話黎巴嫩菜，其實都係中東菜，有烤肉類，另一個賣點係中東既鷹嘴豆蓉。仲有提供頂級初榨橄欖油任用，估你唔到咁健康。羊肉串燒 $218串燒好高質，不論羊肉定係椒都烤得到位，羊肉不會柴口。串燒之外仲有厚同薄既薄餅，食完串燒再食薄餅，豐富又滿足。蜂蜜芝士焦糖餅 $138蜂蜜芝士焦糖餅非常脆，中間好似炸米粉咁，雪糕係最佳配搭，口味唔會太甜，幾有新鮮感。羊肉鷹嘴豆蓉 $118口感順滑，好似cream一樣，加羊肉有香味有口感。跟配墨西哥脆片同傳統口袋包，將餡料方入口袋包吃，感受傳統滋味。黎巴嫩薄荷茶 $42有個靚茶壺同茶杯，充滿貴氣，值得打咭，而且薄荷茶可以減膩，飲完舒服晒。