影片
更多
2022-07-31
549 瀏覽
之前成日聽同事介紹，係好值得一試嘅正宗壽喜燒，終於都可以試到啦☺️ 電話打咗好多次終於都打得通，之後要排waiting list，前一日打嚟終於有位，不過就安排唔到海景位🌊。我就冇乜所謂，都係食物最重要😋 時段分左兩輪，我book咗11:30a.m.，1:00p.m.還枱。另一個時段係1:30p.m.。壽喜燒A5和牛嚴選部位2片及野菜盛(Lunch Set at Weekend) $598前菜 頭盤 蒸蛋梅酒啫喱配車厘茄梅酒啫喱偏甜，入面食唔出係車厘茄（可能係去咗皮）。比較特別嘅fusion菜。肉醬丸子丸子係芋泥整成，配合肉醬幾好食。茶碗蒸 有兩粒帶子仔和芡汁，下面嘅蛋好滑好滑，蒸嘅火候恰到好處👍🏼✨排名：茶碗蒸>肉醬丸子>梅酒啫喱配車厘茄刺身本身是日刺身有赤身、牡丹蝦🦐和帆立貝。我同朋友都麻麻哋赤身，staff話可以幫我哋轉走，但就要師傅決定轉啲咩。最後轉咗多咗一粒帆立貝😋。刺身屬於正常水準。漬物當日一小碟有四款選擇，選擇算多。但我同朋友本身都麻麻地漬物🤣壽喜燒店員會喺煮之前比塊肉望一望先，可以影相，然後會稍作介紹。當日兩片肉都係屬於肩胛部位，其中一塊油脂比例會較高。因
壽喜燒A5和牛嚴選部位2片及野菜盛(Lunch Set at Weekend) $598
前菜 頭盤 蒸蛋
梅酒啫喱配車厘茄
梅酒啫喱偏甜，入面食唔出係車厘茄（可能係去咗皮）。比較特別嘅fusion菜。
肉醬丸子
丸子係芋泥整成，配合肉醬幾好食。
茶碗蒸
有兩粒帶子仔和芡汁，下面嘅蛋好滑好滑，蒸嘅火候恰到好處👍🏼
✨排名：茶碗蒸>肉醬丸子>梅酒啫喱配車厘茄
刺身
本身是日刺身有赤身、牡丹蝦🦐和帆立貝。我同朋友都麻麻哋赤身，staff話可以幫我哋轉走，但就要師傅決定轉啲咩。最後轉咗多咗一粒帆立貝😋。刺身屬於正常水準。
漬物
當日一小碟有四款選擇，選擇算多。但我同朋友本身都麻麻地漬物🤣
壽喜燒
店員會喺煮之前比塊肉望一望先，可以影相，然後會稍作介紹。當日兩片肉都係屬於肩胛部位，其中一塊油脂比例會較高。因為A5和牛油脂比例屬於較高，所以我一向會揀煮熟一啲，脂肪燒過之後會更香，今次揀咗七成熟。
第一塊上嘅會係油脂比例冇咁高嘅部位。配上大蔥、生雞蛋、豆腐。京蔥燒到剛好，牛肉配上生雞蛋令肉質更加滑。下面嘅豆腐會比生雞蛋奪咗本身豆味和壽喜燒汁味都會被溝淡。
第二塊會係油脂比例較高嘅，冇咗蛋液嘅加持，相對比第一塊仲更加淋滑😳 更加好食😚配上蒟蒻麵、冬菇和四季豆。蒟蒻麵似芋絲，吸收晒壽喜燒汁，配白飯一流😋冬菇四季豆就普通正常。兩片牛嘅份量剛好，因為油脂比例高，所以食得多會有啲heavy🫢
日本米飯
黏立感咁較重，偏濕。
麵豉湯
麵豉湯好夠熱👍🏼 估唔到會有啲肉碎係底，幾好飲refill咗一次😛
精選甜品
柚子雪糕，比起雪糕我覺得更似雪葩，似柚子茶嘅味道，不過偏甜。
環境：4/5
環境光猛整潔乾淨，如果可以book到海景位，視覺效果應該更好。問過店員，海景位大概要早一個月book就可能有機會～
服務：4.5/5
依家天氣實在太熱，啱啱坐低想飲一杯凍水。店員就話凍水就只有distilled water, 問加唔介意要冰水🙈 另外店員一開始就會詢問有沒有忌口，如果有生雞蛋接唔接受到等。每上一道菜，店員都會主動介紹，資料詳盡又專業👍🏼另外會主動詢問使唔使要refill白飯、麵豉湯和生雞蛋。
食物：4.4/5
之前未食過正宗嘅壽喜燒，食物整體係好食嘅，✨尤其係油脂比例較高嘅嗰塊A5和牛、茶碗蒸和麵豉湯😋。
⚠️可以使用海港城coupons，上限五張，加一之前計。
Revisit: Maybe
張貼
