中華小館

營業中

休息中

阿媽中咗新冠，休息咗一排，已經康復，因為之前有病食得唔好，所有今日帶佢出嚟食好嘢。中華小館 位於灣仔麗駿酒店地下，中式酒樓的裝修坐得都好舒服，主打高質中菜。入座後送上香茶，茶壺相當精美。涼菜雞腳辣辣哋醒下胃。紫砂功夫燉湯：位上的燉湯好精緻，蟲草花燉瘦肉用紫砂茶壺盛載上枱再倒落小杯飲，湯程金黃色，味道香甜，蟲草花可提升免疫力，多飲可滋補強身。店員推介小舘招牌菜，一定要試吓。得獎奶油蝦：虎蝦好大隻，鮮甜爽口，奶油醬汁濃郁，配手抓餅，香口又惹味。芝麻鹽焗雞半隻：金黃嘅雞皮鋪滿芝麻粒，香脆可口，肉質嫩滑。養生桂花淮山：淮山是很好的健脾胃食材，加入桂花糖，甜甜哋好爽口。清香棗皇糕：養顏補血的紅棗糕，棗香濃郁，口感細膩，回味綿甜。