影片
更多
2024-07-07
126 瀏覽
黃竹坑開左個大型新商場The Southside，入邊有多間新餐廳，而山洞食堂就係其中一間～呢到主打韓式燒肉，岩石牆營造出係山洞內用餐既感覺。燒肉質素唔錯，定價較進取。餐牌內其他韓食則價錢合理。前菜五小碟，第一轉唔使錢，如想任食要加$40。和牛肋眼上蓋 $220雪花超靚，霜降肉質加上滑嫰口感，入口即溶。配上柚子燒肉汁可中和個油膩感。最上等牛肋骨 $388成條牛肋骨上枱，當然第一時間要影相打卡😂要燒果陣會有專人幫你剪走嚿骨。我食韓燒經常會嗌牛肋骨，貪佢無乜脂肪但食落肉質鬆軟。慶州黑毛豬五花肉配生菜 $188屬於轉薄切既五花肉，我諗係為左更易燒出焦脆既口感。一路燒一路勁搶火，對我地呢啲唔專業燒肉者黎講有啲難度，有人幫手燒會好啲。五花肉包生菜、大醬、蒜頭同辣椒呢個組合堅無敵。海鮮豆腐湯 $138 好足料既湯，有蝦、青口、蜆、金針菇、蛋、豆腐等等。真係煲到好夠味，配白飯食超正。1++韓牛牛肉石鍋飯 $188韓牛配蛋汁係嫩既，個辣醬落曬都係少少辣，食到最後有飯焦。
呢到主打韓式燒肉，岩石牆營造出係山洞內用餐既感覺。燒肉質素唔錯，定價較進取。餐牌內其他韓食則價錢合理。
前菜五小碟，第一轉唔使錢，如想任食要加$40。
和牛肋眼上蓋 $220
雪花超靚，霜降肉質加上滑嫰口感，入口即溶。配上柚子燒肉汁可中和個油膩感。
最上等牛肋骨 $388
成條牛肋骨上枱，當然第一時間要影相打卡😂要燒果陣會有專人幫你剪走嚿骨。我食韓燒經常會嗌牛肋骨，貪佢無乜脂肪但食落肉質鬆軟。
慶州黑毛豬五花肉配生菜 $188
屬於轉薄切既五花肉，我諗係為左更易燒出焦脆既口感。一路燒一路勁搶火，對我地呢啲唔專業燒肉者黎講有啲難度，有人幫手燒會好啲。五花肉包生菜、大醬、蒜頭同辣椒呢個組合堅無敵。
海鮮豆腐湯 $138
好足料既湯，有蝦、青口、蜆、金針菇、蛋、豆腐等等。真係煲到好夠味，配白飯食超正。
1++韓牛牛肉石鍋飯 $188
韓牛配蛋汁係嫩既，個辣醬落曬都係少少辣，食到最後有飯焦。
張貼
