西貢咖啡餅店

營業中

休息中

講到西貢嘅美食名物，呢間咖啡店嘅菠蘿油&葡撻，一定榜上有名。通常晏晝嚟到，條人龍會排到好誇張，極受歡迎。菠蘿油菠蘿包外形飽滿，外皮焗到金黃香脆，麵包好鬆軟，重點當然仲有足夠厚切嘅牛油，冰凍牛油加熱辣辣嘅菠蘿包先可以試到冰火嘅滋味。要嗌嘢飲先可以坐低食，正常茶記質素嘅奶茶。因為菠蘿油本身已經唔平，再加杯凍飲，就顯得有啲貴，所以都好多人選擇外賣，然後坐附近嘅長凳/公園食。另外外賣左葡撻，以前堂食過，外層嘅酥皮香脆，size 係比KFC 葡撻略大嘅。不過外賣左就冇堂食咁好食，所以無論菠蘿油定葡撻，都係新鮮即食先好。