影片
更多
2024-12-10
157 瀏覽
茶記或者冰室一向都係快靚正之選，而今次介紹呢間位於荔枝角青山道嘅「老荔冰室」快靚正之餘仲加入咗八九十年代經典港式情懷元素，由佢鋪面嘅霓虹燈裝飾，到餐廳入面播放住經典廣東流行金曲，喺度開餐真係零舍有港味🤪《 沙嗲牛肉芝士熱香餅漢堡 》 $38 4.5 / 5好創新嘅配搭，鹹香惹味嘅沙嗲牛肉放喺香甜鬆軟嘅熱香餅入面，兩種味道撞埋好過癮，而且仲有芝士令到口感同層次更加豐富，滋味又過癮😳《 沙嗲牛肉煎雙蛋公仔麵 》$60 4.5 / 5沙嗲牛麵本身已經係難以超越嘅經典麵食，但係佢哋嘅沙嗲汁零舍香濃，再加上煎雙蛋脹卜卜嘅蛋黃，蛋汁同沙嗲汁融入喺麵入面即刻升晒呢🤤而牛肉亦都厚身有肉香！《 金莎朱古力流心西多士 》 $38 5 / 5 ⭐️⭐️⭐️⭐️⭐️超濃厚嘅朱古力醬鋪喺炸金磚上面，仲有滿到瀉嘅阿華田脆脆！淨係賣相已經極邪惡😈 一切開發現西多士入面滿滿嘅流心朱古力醬，一啖咬落去香脆之餘仲有濃郁嘅朱古力香甜，絕對係今晚嘅MVP！《 生炸雞髀 》 $34 4.5 / 5大過手掌嘅原隻生炸雞髀，面層酥脆，肉質滑口，而且肉香仲好豐富，唔會有雪味，亦都唔會有太厚嘅炸粉👍🏻《 滑蛋叉燒飯 》 $68 4 / 5筋肉分
《 沙嗲牛肉芝士熱香餅漢堡 》 $38 4.5 / 5
好創新嘅配搭，鹹香惹味嘅沙嗲牛肉放喺香甜鬆軟嘅熱香餅入面，兩種味道撞埋好過癮，而且仲有芝士令到口感同層次更加豐富，滋味又過癮😳
《 沙嗲牛肉煎雙蛋公仔麵 》$60 4.5 / 5
沙嗲牛麵本身已經係難以超越嘅經典麵食，但係佢哋嘅沙嗲汁零舍香濃，再加上煎雙蛋脹卜卜嘅蛋黃，蛋汁同沙嗲汁融入喺麵入面即刻升晒呢🤤而牛肉亦都厚身有肉香！
《 金莎朱古力流心西多士 》 $38 5 / 5 ⭐️⭐️⭐️⭐️⭐️
超濃厚嘅朱古力醬鋪喺炸金磚上面，仲有滿到瀉嘅阿華田脆脆！淨係賣相已經極邪惡😈 一切開發現西多士入面滿滿嘅流心朱古力醬，一啖咬落去香脆之餘仲有濃郁嘅朱古力香甜，絕對係今晚嘅MVP！
《 生炸雞髀 》 $34 4.5 / 5
大過手掌嘅原隻生炸雞髀，面層酥脆，肉質滑口，而且肉香仲好豐富，唔會有雪味，亦都唔會有太厚嘅炸粉👍🏻
《 滑蛋叉燒飯 》 $68 4 / 5
筋肉分明嘅叉燒同炒滑蛋，無敵嘅經典組合絕對係白飯殺手，而且蛋同飯嘅份量比例恰到好處，啱啱好送完個飯唔會嘥嘢😂
《 阿華田脆脆火山 》 $26 4 / 5
冰凍阿華田上面有滿滿嘅阿華田脆脆，脆卜卜好咬口飲得又食得😋
《 奶茶紅豆冰 》 $26 4 / 5
香滑奶茶配甜絲絲嘅紅豆🫘飲落除咗香甜滑溜，紅豆嘅粉沙狀口感仲好過癮添🤪
———————————————
🏠環境舒適度：💛💛💛💛
👅舔脷回頭度：💛💛💛💛
📸打卡able度：💛💛💛💛💛
🙇🏻♀️服務滿意度 ：💛💛💛💛
————————————————
張貼