古琴雅苑 (譽發廣場)

營業中

休息中

去開尖沙咀的古琴雅苑，原來旺角也開了新分店，必試其招牌烤北京填鴨！ 🦆 烤北京填鴨｜皮脆肉嫩爆汁！古琴雅苑的烤北京填鴨絕對係鎮店之寶！以傳統掛爐烤製，外皮金黃酥脆，肉質卻保持細嫩多汁，真正做到「肥而不膩、入口鬆化」！  🍯 配料與醬料：驚喜搭配！除咗傳統嘅青瓜、京蔥，佢哋仲加入哈密瓜，清甜爽口，平衡鴨油香氣！醬料方面，除咗經典京醬，仲有蜂蜜黃梅醬同砂糖，我個人最愛黃梅醬，酸甜開胃，同鴨皮嘅油香超夾！  🥢 雞絲粉皮｜清爽開胃之選作為前菜，雞絲粉皮絕對合格！粉皮滑溜，雞絲嫩滑，配上麻醬同青瓜絲，清爽又醒胃，啱晒用來平衡烤鴨嘅濃郁感。  🍌 高力豆沙香蕉｜必點甜品！外脆內流心平時食開高力豆沙，但古琴雅苑嘅版本加入咗香蕉，一咬開外層輕脆嘅蛋白皮，入面係暖笠笠嘅流心豆沙 + 香蕉蓉，甜而不膩，仲帶微微果香，超級驚喜！👑 母親節限定套餐母親節就快到啦！想同媽咪食餐好，又怕揀餐廳頭痛？古琴雅苑今年推出超豐富的母親節套餐🎉👩‍👧‍👦，由2人到12人都有得揀，一次過品嚐招牌烤鴨、淮揚經典同精緻甜品，仲有孝順價，絕對係氹媽咪開心嘅首選！💖