部屋咖啡室

放工後想同閨蜜去旺角行街買衫，大家都鍾意去Café食野，聽朋友講部屋咖啡室都唔錯，就快快去吃個晚餐。  布藝梳化座，看過餐牌後都選擇不到，好彩有2人餐，不用想太多。在白板上寫好要吃甚麼，遞給店員就可以了。  上菜速度快，先來是炸蟹餅，即叫即炸，熱騰騰又香口。  10吋手拉pizza，就選了西西里Pizza (辣肉腸、腸肉粒、蘑菇、火箭菜、茄醬)，比較惹味的口味，用上意大利00 PIZZA面粉製作，難怪這麼鬆軟美味，就算放涼了，批邊也沒有出現乾硬狀態，不論烘焗或用料都不錯啊﹗  香辣海鮮虎蝦意粉，虎蝦爽彈，醬汁與意粉均勻融合，香辣度我覺得可接受，都幾惹味，但朋友覺得辣了一點。意粉軟硬度都不錯，但若再多少少嚼勁會更完美。  餐飲奉送熱檸茶/水，若想飲咖啡就要+$6，我就點了焦糖咖啡 (少甜)，咖啡順滑，但咖啡迷如我覺得啡味可再濃郁一點，若可再大杯一點就更加好啦﹗