Restoran SAYA

營業中

休息中

朋友話帶我去食連續獲得米芝蓮必比登推介嘅泰國菜，滿心期待嚟到奧運站。餐廳係用湖水綠色裝修主調，藤製家具同壁畫營造濃厚泰國風情。聽講泰北咖喱金麵、炭火鹽燒魚係特式菜，就點幾款出名菜式。➖辣豬肉碎生菜包香辣豬肉添加咗豬耳丁，口感更有層次，生菜包住食，食香辣鮮味道更加突出。➖辣椒膏炒花甲睇落好辣，食落係剛剛好小辣味道，唔會搶了海鮮嘅鮮味，花甲非常大隻啖啖肉。➖泰北咖喱金麵 配 燒雞➖印度飛餅食咖喱一定要印度飛餅，裹上咖喱汁嘅飛餅，酥脆微辣，超級好味。今年有兩款唔同嘅麵，一款係撈麵一款係炸麵，撈埋一齊食，口感豐富。燒雞已經有調味，加上咖喱小辣味道，層次突出。➖炭火鹽燒魚超大條燒魚，份量十足，炭火烤至魚皮脆，打開魚皮，下面就係非常嫩滑嘅魚肉，魚肚都放滿香茅香草調味料，所以魚肉充滿清新香味。呢道菜有兩種唔同嘅醬汁，仲有米粉，生菜包住米粉放上魚肉同醬汁食，非常有趣的味道。➖班蘭香茅茶➖咸檸七必點泰國特色飲品，香茅茶，佢估唔到都好解渴解辣。菜式份量十足，適合叫多啲朋友，或者家庭多人分享，食多啲唔同款式。總括嚟講環境好靚，好chill，好多打卡靚位，菜式更加唔使講的確係好好食。