Ngau Steak Club

營業中

休息中

食牛扒嘅扒房通常都會比較貴，但係呢一間小店絕對冇誇張嘅收費，更加有出色嘅服務、多樣化嘅選擇以及舒適嘅環境。✨Hokkaido Scallop Ceviche作為一個前菜真係非常非常之開胃，配合咗蘋果絲、青檸汁去伴上北海道嘅帆立貝嘅切片，口感鮮甜清新。✨Grain Fed Frank 10oz嚟到牛扒嘅餐廳，當然要品嚐招牌中嘅王牌。今次揀咗美國牛扒🥩肉質細緻但又不失亦一份牛脂嘅香氣，肉質粉粉嫩嫩，非常容易切開，仲有四款醬汁可以俾你自己揀選，全部都配備住廣東菜嘅元素，例如我揀選一款就係有XO醬配荷蘭醬汁，味道唔會太濃，配上牛扒都幾特別。✨Pasta Carbonara 餐廳嘅意粉同樣出色，奶滋滋嘅口感喺口腔蔓延，搭配着中國嘅特色臘腸，瞬間有一種中西匯聚嘅感覺。餐廳嘅環境非常非常之大，而且亦都有獨立嘅房間，充滿着私隱度。部份位置更加對住維港，絕對係慶祝嘅好地方。