影片
港鐵炮台山站 A 出口, 步行約8分鐘
繼續閱讀
電話號碼
55181412 (WhatsApp)
營業時間
今日營業
全日休息
星期一至六
18:00 - 00:00
星期日
全日休息
以上資料只供參考, 請與餐廳確認詳情
嚟度懶懶的揀選最啱就係揀佢哋嘅牛扒廚師拍板（6 人以上限定，call 齊朋友一齊懶）﹐一次過可以試到佢哋嘅招牌龍蝦湯同埋 4款頂級牛肉部位嘅體驗~全部嘅牛肉好濃味，嫩嫩粉紅又靚又開心佢哋嘅食物有啲係加入港式元素，例如前菜追加嘅 Suteed Clams (black bean alfredo, chilli, radish) ，估唔到加入豆豉調味嘅蜆係特別鮮美~不得不提係佢哋個 Fermented beancurd Mac & cheese 腐乳芝士通粉，鹹香奶滑係勁好食，一定要追加🥰話説睇 review 話有啲客拎太多酒比人話，實測咗人頭酒都係安全無事嘅~😂 仲免 corkage 添~海景送飯其樂無窮~
繼續閱讀
😱呢間隱世工廈西式私房菜竟然有牛扒Omakase⁉️約齊6隻腳👫👭👨🏾🤝👨🏽就可以用$600/位嘅價錢食到牛扒Omakase🤩當中包括有龍蝦湯🦞4款牛扒🥩同甜品😋我哋當日就試到鹿兒島A3和牛🇯🇵招牌美國Hanger Steak🇺🇸同🇦🇺澳洲朱古力飼嘅和牛Inside Skirt🍫每一款嘅味道口感都好唔同，各有特色😯我哋最鐘意當然係A3和牛😛油花分佈平均，朱古力飼嘅inside skirt都好特別，望落去好肥👀食落又唔會好有油膩感👌🏻Hanger Steak嘅啖啖肉感就最實在🤤呢個Omakase可以一次過試到大廚精選嘅唔同部位😌勝價比極高❣️就算唔夠6隻腳，其實每款牛扒同其他菜式都可以單點😉例如脆炸豬皮配牛油果醬🥑藍芝士烤魷魚🦑等等，都係餐廳特色嘅招牌菜😎
繼續閱讀
1. 餐廳是工廠大厦內的食堂，裝修尚可，但卻收高级扒屋的價錢，尤其是前菜及甜品， much overpriced 。2. 員工大多数是外藉人仕，全晚只見到一個会粵語的本地小哥，但这小哥對食menu完全不熟悉。3. 當晚点的主菜是chuck short rib, 小哥話厨師建議medium。份量是足夠大，但生熟完全不均勻，真的是一半是生，一半是熟，可能这是他們的半生熟標準！结果有半份完全咬不開，留下半碟殘渣在碟上。收碟時服務員看到後也不問一句食物是否有問題！4. 完全無心情再坐，怱怱吃过甜品就叫埋單，並告知是某酒会会員，訂枱時白纸黑字說明有10% discount。粵語小哥說不知有折扣，叫他問主管後有另一位外藉女仕过來說他們重不打折。我说不是我要求折扣，是你們的offer清晰寫在電郵上。她說不知道有这offer, 我还能說什麼，只能乖乖付全費！總结，餐廳應該是工廠食堂牌照，只能做大厦租戶員工及会員生意，並以此招徕。食物質素及員工服務是茶餐廳水平，收費是高檔扒房標準，要否幫襯自行決定！
繼續閱讀
朋友介紹北角海景大廈新開了一間型格扒房 Ngau Steak Club，主打牛扒 Omakase，由經驗豐富的 Chef Nathan Green 及 Chef Roy Chan 主理。趁著好友齊聚，久別重逢的六人決定探店，品嚐其招牌牛扒 Omakase 及其各式創意 side dishs，並佐以佳釀，體驗一場滿足的牛扒盛宴 店內裝潢走現代工業風，格調十足，用餐空間寬敞，部分座位更能欣賞到維港景致。我們餐桌旁有梳化外，亦置放有一個英式衣架，有足夠的儲物空間之餘，感覺亦適合小型包場派對。是日由型佬 Keith 接待，其服務親切有禮，對菜單內容瞭如指掌，其專業介紹時之中英交雜，在現今洪流下更有讓我們的確身處於香港用膳之既視感 （笑），令整個用餐體驗更添愉快。我們一行六人預訂了餐廳的招牌 Steak Omakase，套餐內容豐富，驚喜連連：Warm Bread Basket首先送上麵包籃，口感鬆軟、新鮮熱辣，為接下來的味覺旅程掀開序幕。Signature Lobster bisque每人一客的龍蝦湯頭濃郁鮮甜，蝦肉爽口鮮甜，暖胃開場。廚師發辦精選了兩輪不同部位的牛扒，採用鑄鐵平底鍋形式上枱共享。當中穀飼肉眼同鹿兒島A4和牛，前者炭香味濃，後者油脂豐富、口感豐腴，牛扒整體火候掌握精準，外層焦香內裡粉嫩，牛味濃郁，各有各精彩。配搭餐廳四款招牌醬汁：XO荷蘭醬、四川花椒醬、蔥薑蓉及辣椒蒜蓉醬，各有各特色。The Egg白朱古力外層，內裡是芒果柚子餡的甜品「雞蛋」，造型精緻，甜度剛好，為整餐畫上完美句號。除了 Omakase 套餐，我們還額外點了多款特色小食與配菜，滋味共享：Sauteed Clams蜆肉飽滿，鮮甜無沙，醬汁調製惹味。Grilled local squid魷魚烤得爽口彈牙，鮮味十足。Chopped Hokkaido Scallop海膽x北海道帶子配搭Taco，口感層次豐富。Ｍac and Cheese芝士醬香濃，通心粉軟硬適中，是邪惡美味的經典。Fuzzy Melon港式節瓜蝦米粉絲，粉絲轉為咸蛋黃的變調，稍為不夠清爽感。Pork Crunch with Guacamole墨西哥Nachos 變奏，以豬皮替代玉米片，豬皮炸得極其鬆化香脆，配上清新的牛油果醬，佐酒一流。French Fries薯條炸得金黃香脆，是牛扒的最佳拍檔。店家在傳統茄汁中溝了是拉差醬，有趣。席間還點選了一支 Tenuta S. Anna Prosecco N.V.，這款來自意大利威尼托產區的氣泡酒，氣泡細膩持久，帶有清新的果香，口感清爽，與牛扒及各款小食都非常匹配，提升了整體用餐的愉悅感Ngau Steak Club 的 Steak Omakase 無論在牛扒的選材、烹調火候，還是配菜的創意與味道上，均表現出色。餐廳環境舒適有格調，加上服務員的專業服務，令整個用餐體驗錦上添花。這裡無疑是牛扒愛好者及朋友聚首的好去處
繼續閱讀
食物質素唔錯，但食飯唔係淨係品嘗食物，體驗都好重要。首先講食物，再講服務。食物：steak omakase係一個好新嘅體驗，可以一次過試到4款牛，呢個set的確唔錯，牛扒係有質素，有炭烤香，每款牛都烤到3成，最多5成熟，對我哋嚟講係啱食，佢有4款sauce亦夾肉味。其他散叫嘅食物有d唔錯，但整體overpriced。- Bread basket $65，一籃有3-4款麵包，熱辣辣上枱，該軟熟嘅軟熟，該脆嘅脆 （4/5）- salad with sadine $160，當晚冇sadine，我哋得到嘅係一碟沙律菜without sadine😂 份量少，菜係爽脆 （3/5）- french fries $90，通常for share，同埋以呢個價錢以為都唔細份？嚟到只係M記大薯條份量，幼身、唔脆、有d甚至油淰淰 ，M記有時新鮮炸起嘅仲好食過佢（1/5）- carbonara同tortellini 每份$190，carbonara 份量正常、creamy （4/5） tortellini一碟大約12-15小粒，味道可以但皮乾以致稍韌 （3/5）- Sautéed clams $190，每隻都大隻，肉飽滿，冇沙，汁夠rich （4/5）- Grilled local squid $190，份量偏少，10小件，上到枱已經唔熱，只能欣賞佢唔靭 （3/5）服務：1）一開始連同其他食物，order咗兩個carbonara ，好快就要求將其中一個轉為tortellini，tortellini 先到，之後見carbonara未到，就問女侍應A，佢去查單，然後幫我哋轉單嘅男侍應B過嚟，用blame嘅語氣講「you said cancel carbonara? 」我哋只係取消一個，轉為另一款，就算大家溝通上有問題，可以婉轉d同客人再confirm? 唔係一下就撻埋嚟話係你哋話要取消？🙂 2）朋友唔小心打爛酒杯，唔緊要，只想盡快清理玻璃碎，唔想任何人受傷。有個香港男仔全程態度都好好，亦好細心幫手清理。然而有玻璃碎跌咗落其中一盤牛扒，我哋只係講聲入面有玻璃，當時未有要求點處理，正路無論如何應該要拎走？因為點都唔會食到。埋嚟幫手個女侍應有d猶豫咁拎走咗，香港男仔繼續清理，之後就有個負責人（？）過嚟，話唔係員工打爛杯，所以唔會換過比我哋，如果要新一盤就要extra charge。😂 如果佢真係負責人，真係完全唔稱職，都未有關心客人有冇受傷，第一時間將責任推得一乾二淨。🙌🏻 朋友就話咁你上埋另外兩款牛扒比我哋，睇吓夠唔夠食先啦。3） 到咗上甜品，聽到最難聽嘅一句。侍應B送上一個免費甜品，佢嘅introduction line係，it is free because you have wasted the beef. 佢真係用waste呢個字。我哋有心浪費食物？特登打爛玻璃杯麻煩侍應？仲要特登跌玻璃碎落份牛扒令到自己冇得食？😂😂😂4) 最後負責人（？）幫我哋埋單，問d嘢啱唔啱食，我哋回答嘢食ok，但服務唔好，佢再問有咩意見，可以反映返比同事知，再回答都唔使喇，佢嘅回覆係「我都係循例問吓啫」咁樣係真心想問客人拎意見？？？😂😂😂好欣賞佢咁真性情，亦都直接令我哋肯定唔會再去。當晚主要接觸有3個侍應，香港男仔絕對好，女侍應還可以，男侍應B全晚對答一d說話技巧都冇，連負責人（？）講嘢都係難以入耳，態度不敢恭維。餐廳冇職前培訓？唔在乎員工對客人嘅態度/說話方式或技巧？今次只係個別事件？還是係餐廳嘅style？無論做人定做任何行業，有d說話可以用較好嘅方式表達，有d甚至可以唔講。食物再好，如果要另外硬食一肚氣，恕我真係唔會再幫襯。
繼續閱讀
您可能會有興趣的...