影片
更多
2024-11-18
287 瀏覽
呢間餐廳絕對有一種臥虎藏龍、驚艷嘅感覺。看似主打日本菜，但其實當中融合咗多種不同嘅烹調方式同元素。每一道菜都好好食、好有心思🙌🏻✨香箱蟹蟹肉蟹籽茶碗蒸採用時令食材香箱蟹，將鮮味蟹肉同蟹膏加入蒸蛋入面，再配搭滑溜豆腐，鮮味無窮。✨花雕醉大頭蝦、醉花螺、醉蜆三款海產食材都非常鮮味彈牙，而且用上陳年花雕同加入杞子等養生藥材，味道非常濃郁可口！✨鐵板北海道帆立貝厚肉帆立貝兩面煎得金金黃黃，而醬汁係由蟹粉同牛乳製成，又濃又滑，好有驚喜。✨煙燻香箱蟹肉釀無骨阿波尾雞翼以小木箱盛載雞翼，一打開蓋蘋果木嘅煙燻香湧出嚟，打卡一流。一口咬落，帶有焦香同蜜糖甜嘅雞皮裡釀住滿滿嘅香箱蟹肉同蟹膏，外脆內鮮嫩，亦突顯左廚師嘅功架。✨蟹肉腐皮春卷 以腐皮包住蟹肉，中間夾住一片紫蘇葉增添一份香氣。炸香後在灑上魚春粉及紫菜菜粉，口感非常酥脆。✨蒲燒鰻魚木棉豆腐手卷用上大板紫菜，特別脆身；豆腐則用上京木棉豆腐，稻香濃郁，口感比一般嘅紮實。而蒲燒鰻魚同坊間一般嘅處理手法並唔一樣。鰻魚嘅皮同肉分開處理，皮以鐵板煎香，而肉則以爐端燒方式處理。更加用上六款不同糖去進行調味，絕對係花盡心思💛用紫菜包起豆腐同鰻魚一齊食用，口感同味道
看似主打日本菜，但其實當中融合咗多種不同嘅烹調方式同元素。
每一道菜都好好食、好有心思🙌🏻
✨香箱蟹蟹肉蟹籽茶碗蒸
採用時令食材香箱蟹，將鮮味蟹肉同蟹膏加入蒸蛋入面，再配搭滑溜豆腐，鮮味無窮。
✨花雕醉大頭蝦、醉花螺、醉蜆
三款海產食材都非常鮮味彈牙，而且用上陳年花雕同加入杞子等養生藥材，味道非常濃郁可口！
✨鐵板北海道帆立貝
厚肉帆立貝兩面煎得金金黃黃，而醬汁係由蟹粉同牛乳製成，又濃又滑，好有驚喜。
✨煙燻香箱蟹肉釀無骨阿波尾雞翼
以小木箱盛載雞翼，一打開蓋蘋果木嘅煙燻香湧出嚟，打卡一流。一口咬落，帶有焦香同蜜糖甜嘅雞皮裡釀住滿滿嘅香箱蟹肉同蟹膏，外脆內鮮嫩，亦突顯左廚師嘅功架。
✨蟹肉腐皮春卷
以腐皮包住蟹肉，中間夾住一片紫蘇葉增添一份香氣。炸香後在灑上魚春粉及紫菜菜粉，口感非常酥脆。
✨蒲燒鰻魚木棉豆腐手卷
用上大板紫菜，特別脆身；豆腐則用上京木棉豆腐，稻香濃郁，口感比一般嘅紮實。而蒲燒鰻魚同坊間一般嘅處理手法並唔一樣。鰻魚嘅皮同肉分開處理，皮以鐵板煎香，而肉則以爐端燒方式處理。更加用上六款不同糖去進行調味，絕對係花盡心思💛
用紫菜包起豆腐同鰻魚一齊食用，口感同味道都非常豐富，大讚！
✨鐵板prime牛柳裙邊配山葵漬 / 鐵板西班牙黑豚肩配山葵漬
Prime grade牛柳油花紋理豐富、肉質堅質，肉味非常濃郁；
後者用上西班牙伊比利亞豬主要食橡樹果，所以帶有獨特香味，七至八成熟係非常安全而又能帶出最佳口感。
兩者都可以配上山葵漬、海鹽或煎香蒜片一同食用。
✨日本高菜白飯魚炒飯 / 赤湯新竹米粉
前者高菜同白飯魚令整體增添爽脆口感，白飯魚仲帶有鹹香感；而後者赤湯係味噌湯帶辣味同芝麻香。兩者都超級好食！
✨北海道奶凍配焦糖脆脆
奶凍又香又滑，配上酥脆富有蜜糖香嘅焦糖脆脆，為今餐畫上完美句號🥹
🔥🔥🔥 如果早一日預訂，仲會送你一客鐵板南非鮑魚！配上鮑魚肝醬一齊食，好滋味🤤🤤🤤
張貼
