影片
更多
2022-10-14
150 瀏覽
終於試到呢間人氣日式料理🫶🏻 午市時係cafe 晚市就係居酒屋 晚市最低消費每人一份食物同飲品～ 今日有幸坐到榻榻米🙈 之前上網睇呢間嘅差評大致都係批評店員服務態度 本身都有啲心理準備 但實際上由入座到埋單 店員由介紹餐牌 上菜 收碟等等都無可挑剔 好有service🫶🏻醬油麴牛舌芯 $128超推介❤️🔥 世一牛舌芯！牛舌芯以自家調配嘅醬油麴醃漬 烤至內部半熟 質感一流 帶爽彈口感同時亦有油脂柔軟滑溜嘅感覺 與鮮美嘅醬油融為一體 味道層次豐富 果味、甜味、鹹味、鮮味在口中環繞 超香濃 毫無違和感 真係好好食🥺清酒粕味噌燒鹿兒島A4和牛Tataki $345A4和牛外層烤至微微焦香 裏面則幾乎生肉狀態 和牛肉質相當軟腍 油脂豐富油香不斷釋出 加上蔥花同炸蒜片一同入口香氣逼人 但清酒粕味道較濃烈 有種愈食愈醉嘅感覺🤣🤣 可能我地都唔好酒精 所以未能完全體會到與清酒融合嘅料理IPA炸雞 $88炸雞以ipa啤酒製作炸漿 炸出嚟外皮特別鬆脆 另外配咗蜂蜜Wasabi醬 以本地龍眼蜜製作Lemonade $48青森蘋果汁 $35抹茶麻薯卷蛋 $70本身晚市唔提供甜品 如果要甜品嘅話要喺訂位時re
終於試到呢間人氣日式料理🫶🏻 午市時係cafe 晚市就係居酒屋 晚市最低消費每人一份食物同飲品～
今日有幸坐到榻榻米🙈 之前上網睇呢間嘅差評大致都係批評店員服務態度 本身都有啲心理準備 但實際上由入座到埋單 店員由介紹餐牌 上菜 收碟等等都無可挑剔 好有service🫶🏻
醬油麴牛舌芯 $128
超推介❤️🔥 世一牛舌芯！牛舌芯以自家調配嘅醬油麴醃漬 烤至內部半熟 質感一流 帶爽彈口感同時亦有油脂柔軟滑溜嘅感覺 與鮮美嘅醬油融為一體 味道層次豐富 果味、甜味、鹹味、鮮味在口中環繞 超香濃 毫無違和感 真係好好食🥺
清酒粕味噌燒鹿兒島A4和牛Tataki $345
A4和牛外層烤至微微焦香 裏面則幾乎生肉狀態 和牛肉質相當軟腍 油脂豐富油香不斷釋出 加上蔥花同炸蒜片一同入口香氣逼人 但清酒粕味道較濃烈 有種愈食愈醉嘅感覺🤣🤣 可能我地都唔好酒精 所以未能完全體會到與清酒融合嘅料理
IPA炸雞 $88
炸雞以ipa啤酒製作炸漿 炸出嚟外皮特別鬆脆
另外配咗蜂蜜Wasabi醬 以本地龍眼蜜製作
Lemonade $48
青森蘋果汁 $35
抹茶麻薯卷蛋 $70
本身晚市唔提供甜品 如果要甜品嘅話要喺訂位時remark 幸運地問咗店員後有個抹茶卷蛋可以比我地😛
綠茶味濃郁甘香 卷蛋質地綿密鬆軟 中間仲有一舊麻薯 軟糯煙靭 好味😋
張貼
